Вучні СШ №1 зрабілі завочнае падарожжа пад назвай “Ганаруся табой, мая краіна” па краіне, у якой нарадзіліся, навучыліся пісаць, чытаць, бачыць, гаварыць, падчас чарговага Адзінага дня патрыёта. Аб гэтым расказала намеснік дырэктара установы адукацыі па выхаваўчай рабоце Любоў Маркевіч. 

Кожны народ, у тым ліку і наш, беларускі, ганарыцца сваёй Радзімай і паважае яе сімвалы. Школьнікі гаварылі аб сімвалах Рэспублікі Беларусь: гербе, сцягу, гімне. Адзначылі, што гімн выконваецца толькі стоячы і праспявалі яго.

Затым “хуткім цягніком” вучні трапілі ў сталіцу нашай краіны – горад-герой Мінск. Паведамленне аб ім было падрыхтавана ў фармаце “Што я раскажу свайму замежнаму сябру пра Мінск”.

Затым падарожнікі вярнуліся ў Магілёўскую вобласць.  Адзначылі, што менавіта ў Прыдняпроўскім краі нарадзіўся і вырас прэзідэнт Рэспублікі Беларусь Аляксандр Рыгоравіч Лукашэнка.

Падчас падарожжа па родным краі пазнаёміліся з кнігай “Памяць” Кіраўскага раёна, “прайшлі” па вуліцах, якія носяць назвы герояў Кіраўшчыны, здзейснілі “падарожжа” па мемарыяльным комплексе “Памяці спаленых вёсак Магілёўскай вобласці”, расказалі аб прыгожых мясцінах нашай малой радзімы.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».