І лячэнне, і адпачынак — на карысць грамадзян

У нашай краіне значная ўвага надаецца аздараўленню і санаторна-курортнаму лячэнню насельніцтва. З гэтай мэтай распрацавана Канцэпцыя, накіраваная на захаванне і ўмацаванне здароўя насельніцтва, паляпшэнне дэмаграфічнай сітуацыі.  

Нашаму раёну ў адпаведнасці з колькасцю працуючых на 2014 год быў даведзены план паступлення пуцёвак, набытых за кошт сродкаў дзяржаўнага сацыяльнага страхавання, у колькасці 93 штук, у тым ліку 25 пуцёвак — у санаторыі для дарослых, 15 — у санаторыі для бацькоў з дзецьмі, 53 — у дзіцячыя санаторыі. Санаторна-курортнае лячэнне грамадзян ажыццяўлялася ў здраўніцах рэспублікі.
Размеркаванне пуцёвак па арганізацыях праводзілася ў адпаведнасці з колькасцю працуючых і з улікам заявак, пададзеных камісіямі, у залежнасці ад наяўнасці даведак УКК аб патрэбы работнікаў у санаторна-курортным лячэнні.
У дастатковай колькасці ў наш раён паступаюць пуцёўкі ў дзіцячыя санаторыі і ў санаторыі для бацькоў з дзецьмі. Вось толькі выкарыстоўваюцца яны не поўнасцю. Так, у мінулым годзе давялося пераразмеркаваць у іншы раён 2 пуцёўкі ў санаторыі для дарослых з дзецьмі і 4 дзіцячыя.
Заклапочвае той факт, што дзеці і падлеткі з сельскай мясцовасці (за выключэннем дзяцей з зоны перыядычнага радыяцыйнага кантролю) рэдка праходзяць санаторнае лячэнне. Варта звярнуць увагу на гэты факт.
Пуцёўкі ў дзіцячыя санаторыі, набытыя за кошт сродкаў дзяржаўнага сацыяльнага страхавання, выдаюцца па месцы працы бацькоў без аплаты 1 раз у адзін тып лагера.
Акрамя аздараўлення і санаторна-курортнага лячэння насельніцтва за кошт сродкаў дзяржаўнага сацыяльнага страхавання, на гэтыя мэты выдзяляюцца і сродкі з рэспубліканскага бюджэту: выдача пуцёвак дзецям-інвалідам, непрацуючым пенсіянерам і інвалідам, атрымліваючым пенсію па лініі Міністэрства працы і сацыяльнай абароны, пенсіянерам і атэставанай катэгорыі служачых сілавых структур, дзецям і падлеткам, пражываючым на тэрыторыі перыядычнага радыяцыйнага кантролю.
За мінулы год было выдзелена 32 пуцёўкі непрацуючым пенсіянерам і інвалідам, з іх 8 пуцёвак без аплаты інвалідам 2 групы, 1 пуцёўка выдадзена ўдзельніку Вялікай Айчыннай вайны і 1 пуцёўка — удзельніку Вялікай Айчыннай вайны, пенсіянеру па лініі Міністэрства ўнутраных спраў.
Па лініі аддзела адукацыі, спорту і турызму райвыканкама аздараўленне і санаторна-курортнае лячэнне дзяцей і падлеткаў, пражываючых на тэрыторыі перыядычнага радыяцыйнага кантролю, праводзілася ў выглядзе групавога заезду ў здраўніцы ў суправаджэнні педагогаў: аздароўлены 71чалавек. Акрамя гэтага, згодна арт.18 паправілі сваё здароўе 2 дзяцей у суправаджэнні бацькоў.
Усяго летась было аздароўлена 75,7% усіх вучняў: 920 хлопчыкаў і дзяўчынак у дзённых і 550 — кругласутачных аздараўленчых лагерах. У тым ліку: 72 дзіцяці-сіраты, 68 школьнікаў, знаходзячыхся ў сацыяльна небяспечным стане, 16 рабят, якія састаяць на прафілактычным уліку ў інспекцыі па справах непаўналетніх і 335 дзяцей работнікаў бюджэтнай сферы.
У бягучым годзе будзе працягвацца работа па аздараўленні і санаторна-курортным лячэнні насельніцтва за кошт сродкаў дзяржаўнага сацыяльнага страхавання, рэспубліканскага і раённага бюджэтаў.
Сёлета плануецца аздаравіць 950 дзяцей у аздараўленчых лагерах з дзённым знаходжаннем, з іх 70 — у лагерах працы і адпачынку, а таксама 550 рабят — у аздараўленчых лагерах з кругласутачным знаходжаннем.
Алена ЛЕБЕДЗЕВА,
галоўны спецыяліст
прадстаўніцтва
Магілёўскага
абласнога ўпраўлення
рэспубліканскага цэнтра
па аздараўленні
і санаторна-курортным
лячэнні насельніцтва раёна.