Традыцыйна, на працягу ўжо некалькіх гадоў, вучні СШ №1 райцэнтра наведваюць воінскую часць г.Асіповічы. Сёлета 20 нашых хлопцаў і дзяўчат завіталі ў 465 ракетную брыгаду з мэтай прафарыентацыі, а таксама з віншаваннямі і цёплымі пажаданнямі. Аб гэтым расказала намеснік дырэктара па выхаваўчай рабоце установы адукацыі Любоў Маркевіч.

Праграма двухгадзіннай экскурсіі ўключала агляд баявой тэхнікі 51 артылерыйскай, 336 рэактыўнай артылерыйскай і 465 ракетнай брыгад, знаёмства з найбольш значнымі традыцыямі беларускіх Узброеных Сіл, умовамі пражывання ваеннаслужачых тэрміновай службы, формай, амуніцыяй, рацыёнам харчавання. Экскурсанты таксама наведалі музей 51 артбрыгады і канцэрт духавога аркестра гэтай часці.

На памяць школьнікам засталіся станоўчыя эмоцыі, разуменне таго, што служба ў арміі – своеасаблівая школа мужнасці.

Фота з сайта https://gzt-akray.by