Стан і падрыхтаванасць аб’ектаў АПК нашага раёна да правядзення веснавых палявых работ былі разгледжаны падчас выязнога пасяджэння прэзідыўма Магілёўскага абкама прафсаюза работнікаў аграпрамысловага комплексу.

Удзел у ім прынялі члены прэзідыўма і спецыялісты апарата абкама прафсаюза работні-каў АПК, старшыні раённых прафсаюзных камітэтаў АПК вобласці, спецыялісты па ахове працы, урач-гігіеніст абласнога цэнтра гігіены і эпідэміялогіі Наталля Фясько.
Правядзенне такіх выязных пасяджэнняў дае магчымасць іх удзельнікам на месцах па-знаёміцца з арганізацыяй работы па стварэнні належных умоў для працы і вытворчага быту работнікаў АПК, умацаванні дысцыпліны на рабочых месцах, што, у сваю чаргу, спрыяе захаванню бяспечных умоў працы.
Месцам сустрэчы прыбыўшых на выязное пасяджэнне стаў Цэнтр вольнага часу. Прыемныя ўражанні ў гасцей вы-клікаў прагляд фільма ў фармаце 3D. Дарэчы, многія адзначылі, што такая магчымасць ім прадставілася ўпершыню. Таксама ўвазе ўдзельнікаў пася-джэння была прапанавана выстава “Афганістан, ты — боль маёй душы”, а начальнік упраўлення па працы, занятасці і сацыяльнай абароне райвыканкама Наталля Свяцецкая ўручыла старшыні Магілёўскага абласнога камітэта Беларускага прафсаюза работнікаў АПК Віктару Гейдэлю кнігу “Чужая вайна” аб воінах-кіраўчанах, якія прымалі ўдзел у баявых дзеяннях на афганскай зямлі.
Першым аб’ектам наведвання стала ААТ “Кіраўскае райаграпрамтэхзабеспячэнне”. І гэта невыпадкова. Менавіта на гэтым прадпрыемстве стварэнню бяспечных і спрыяльных для здароўя ўмоў працы надаецца належная ўвага. На тэрыторыі — чысціня і парадак, у памяшканнях — цёпла, у тым ліку і ў рамонтных майстэрнях, ёсць дзе пасля работы прыняць душ і адпачыць. Забеспячэнне работнікаў падчас правядзення палявых работ гарачым харчаваннем адпавядае санітарным нормам: для гэтых мэт маецца абсталяваны аўтамабіль і неабходны сталовы інвентар.
Дырэктар РАПТЗ Мікалай Чаранкоў давёў да ведама прысутных эканамічныя і фінансавыя паказчыкі прадпрыемства, расказаў аб выкананні патрабаванняў па ахове працы, заробках работнікаў.
Удзельнікі выязнога пасяджэння пазнаёміліся з размешчанай на стэндах інфармацыяй па правільным вя-дзенні дакументацыі пры масавых палявых работах. Акрамя таго, была падрыхтавана выстава, на якой былі прадстаўлены сродкі індывідуальнай абароны, спецвопратка і абутак, якім прадпрыемства забяспечвае сваіх працаўнікоў. Дарэчы, у мінулым годзе на гэтыя мэты ў РАПТЗ было затрачана больш за 535 млн. рублёў.
На належным узроўні тут і пытанні аховы працы: кабінет аснашчаны ўсёй неабходнай літаратурай і нагляднай агітацыяй, у наяўнасці ўся неабходная дакументацыя, з работнікамі праводзяцца інструктажы.
Віктар Гейдэль звярнуў увагу прысутных на тое, што забяспячэнне спрыяльных для здароўя і бяспечных умоў працы на рабочых месцах, выкананне ўстаноўленых нарматыўна-прававых актаў па ахове працы і забяспечэнні гарантый і кампенсацый за працу ў шкодных умовах уваходзіць у абавязкі наймальнікаў. Акрамя таго, неабходна ствараць на рабочых месцах нармальны тэмпературны рэжым, нарматыўную асветленасць, забяспечваць работнікаў санітарна-бытавымі памяшканнямі ў адпаведнасці з устаноўленымі нормамі.
Менавіта такія ўмовы назірала дэлегацыя падчас наведвання МТФ “Барчыцы” СВК “Калгас “Беларусь”. Шчыра кажучы, не кожная гаспадарка можа пахваліцца стварэннем для людзей дастойных умоў працы і адпачынку. Значная ўвага надаецца тут умацаванню працоўнай дысцыпліны. У тым, што работа па стварэнні належных сацыяльна-бытавых умоў у сельгаскааператыве вядзецца сістэматычна, удзельнікі пасяджэння пераканаліся падчас наведвання як новай фермы, так і ўведзенай у строй дзеючых больш за 5 гадоў таму: тут ёсць пакоі для прыёму ежы, маюцца халадзільнікі, мікрахвалёвыя печы, электрычныя чайнікі.
Падчас экскурсіі па Жыліцкім сельгаскаледжы госці пазнаёміліся з базай для падрыхтоўкі кадраў для сельскагаспадарчай галіны, умовамі для навучання рабят і правядзення іх вольнага часу.
Дырэктар Жыліцкага сельгаскаледжа Уладзімір Белы расказаў аб перспектывах развіцця ўстановы, праводзімай рабоце па павышэнні прэстыжу прафесій у АПК.
У каледжы маюцца сельгасугоддзі для правядзення практычных заняткаў. Кабінеты і лабараторыі аснашчаны неабходным абсталяваннем і вучэбна-метадычнымі матэрыяламі для выканання вучэбных праграм. Сельгаскаледж супрацоўнічае з вышэйшымі навучальнымі ўстановамі свайго профілю, што дазваляе яго выпускнікам працягваць вучобу ў ВНУ.
З нагоды святкавання ў бягучым годзе 70-й гадавіны Вялікай Перамогі падчас наведвання Жыліцкага сельгаскаледжа членамі дэлегацыі былі ўскладзены вянкі і кветкі да помнікаў воінаў-вызваліцеляў, размешчаных на тэрыторыі, прылягаючай да навучальнай установы.
У межах праведзенага мерапрыемства госці з задавальненнем прайшліся па залах і пакоях Жыліцкага палаца-паркавага комплексу, пазнаёміліся з музейнымі экспанатамі.
Прыемныя ўражанні ва ўдзельнікаў выязнога пася-джэння засталіся пасля наведвання санаторыя імя К.П.Арлоўскага. Было адзначана, што створаныя тут умовы для аздараўлення і адпачынку грамадзян адпавядаюць самым высокім стандартам.
Пасля адбылося пленарнае пасяджэнне прэзідыўма абкама прафсаюза работнікаў аграпрамысловага комплексу, на якім разглядаліся пытанні прафілактыкі вытворчага траўматызму, арганізацыі і ўдасканалення форм і метадаў працоўных спаборніцтваў падчас правядзення палявых работ і шэраг іншых.
Да ведама прысутных была даведзена інфармацыя аб правядзенні абласнога агляду-конкурсу на лепшую работу па стварэнні ўмоў працы і вытворчага быту, арганізацыі харчавання для працаўнікоў палёў, МТФ, на вытворчых будаўнічых базах і аб’ектах, прадпрыемствах перапрацоўчай прамысловасці АПК, у арганізацыях і на прадпрыемствах абслугоўвання і матэрыяльна-тэхнічнага забеспячэння АПК, а таксама навучэнцаў сельскагаспадарчых навучальных устаноў.
Людміла СЯМЁНАВА.
Фота аўтара.