У межах рэспубліканскага патрыятычнага праекта “Кветкі Вялікай Перамогі”, пры-свечанага 70-годдзю Перамогі савецкага народа ў Вялікай Айчыннай вайне, 18 красавіка члены раённай арганізацыі БРСМ разам з ветэранамі вайны, прадстаўнікамі раённай улады, грамадскіх аб’яднанняў высадзілі на  тэрыторыях СШ№1 і гімназіі г.Кіраўска 70 саджанцаў яблынь, сімвалізуючых семдзесят мірных гадоў. Тут квітнець яблыневым садам Вялікай Перамогі!

Старт праекта “Кветкі Вялікай Перамогі” быў дадзены на 42-м з’ездзе ГА “БРСМ”, а яго сімвалам абрана кветка яблыні як адлюстраванне росквіту і поспеху суверэннай незалежнай Беларусі.

Пераможны май 1945 года асацыіруецца з велізарным пачуццём ўсенароднай радасці, гонару і шчасця, з водарам квітнеючых яблынь, якія, здаецца, сама прырода падарыла народу-пераможцу як сімвал адраджэння. Стужачка ў колерах нацыянальнай сімволікі падкрэслівае гістарычную значнасць Дня Перамогі ў нашым грамадстве, яго вялікую ролю ў станаўленні і развіцці краіны.
Урачыстая частка раённай акцыі ў межах рэспубліканскага патрыятычнага праекта “Кветкі Вялікай Перамогі” адбылася каля Алеі Славы Герояў. У ёй прынялі ўдзел актывісты раённай арганізацыі ГА “БРСМ” з гімназіі, СШ№1, Жыліцкага сельгаскаледжа, ліцэя №15, ветэраны вайны і працы, прадстаўнікі раённай улады, грамадскіх аб’яднанняў, кіраўчане.
Мерапрыемства адкрыў начальнік аддзела ідэалагічнай работы, культуры і па справах моладзі райвыканкама Андрэй Карпук. У сваёй прамове ён асабліва падкрэсліў, што сённяшняе пакаленне павінна ведаць гісторыю сваёй краіны, памятаць аб подзвігу сваіх дзядоў і прадзедаў, які яны здзейснілі ў гады Вялікай Айчыннай вайны. Яблыневыя сады Вялікай Перамогі будуць яшчэ адным напамінкам аб тых гераічных падзеях.
Першы сакратар райкама БРСМ Алена Осіпава расказала аб мэтах і задачах рэспубліканскага патрыятычнага праекта “Кветкі Вялікай Перамогі”, мерапрыемствах, праводзімых у яго межах.
Са словамі ўдзячнасці за ўвагу, клопат аб ветэранах, аказанне ім дапамогі і падтрымкі да прысутных звярнуўся ветэран Вялікай Айчыннай вайны Васіль Антонавіч Буслаў. Ён заклікаў моладзь свята захоўваць памяць аб гераічным мінулым сваёй Радзімы, цаніць і берагчы мір, уносіць свой уклад у працвітанне Беларусі.
Ад імя маладога пакалення слова трымала вучаніца гімназіі Дар’я Вароніч.
Пасля урачыстай часткі прысутныя накіраваліся на тэррыторыі сярэдняй школы №1 і гімназіі, дзе былі пасаджаны маладыя дрэўцы яблынь, прадастаўленыя на бязвыплатнай аснове Жыліцкім сельгаскаледжам. Расціце, квітнейце, яблыневыя сады Вялікай Перамогі!
Ірына БАБІЧ.