У выпускнікоў школ раёна зараз гарачая пара — у прамым і пераносным сэнсе гэтага слова: на вуліцы нясцерпная спякота (самы час адпачыць каля вады!), а ім неабходна ўсе сілы і веды накіроўваць на паспяховую здачу экзаменаў.
Сёлета сцены Мышкавіцкай СШ пакідаюць 11 выпускнікоў 11 класа і амаль палова (з 20 вучняў) дзевяцікласнікаў. Многія з іх ужо вызначыліся з выбарам навучальных устаноў, у якіх плануюць працягваць навучанне.
А пакуль рабяты па-цвярджаюць узровень атрыманых падчас вучобы ведаў — здаюць выпускныя экзамены. Як адз-начыла дырэктар С.В. Шчэрбіч, па выніках першага здадзенага іспыту многія юнакі і дзяўчаты палепшылі свае ранейшыя балы.
У хуткім часе адзінаццацікласнікаў чакае цэнтралізаванае тэстыраванне. Пажадаем ім выдатных поспехаў і паступлення ў вызначаныя навучальныя ўстановы!
Момант здачы першага экзамена па матэматыцы ў дзевяцікласнікаў занатаваў наш фотакарэспандэнт Максім МІКЕШЫН.