Падведзены першыя прамежкавыя вынікі штогадовага працоўнага спаборніцтва сярод сельгасарганізацый раёна, трактарыстаў-машыністаў і вадзіцеляў за своечасовае і якаснае правядзенне корманарыхтоўчай кампаніі з траў першага ўкосу.

У мінулыя выхадныя старшыня райкама прафсаюза работнікаў АПК Віктар Ставер пабываў на палетках СВК “Рассвет” імя К.П.Арлоўскага і райаграпрамтэхзабеспячэння з мэтай ушанавання лідараў “зялёнага жніва”.
Найлепшых вынікаў на корманарыхтоўцы сярод працаўнікоў СВК “Рассвет” імя К.П.Арлоўскага дасягнулі: Мікалай Белакурскі — на кашэнні траў, Міхаіл Вербенка — на здрабненні зялёнай масы, Віктар Зайцаў — на зграбанні, варушэнні і валкаванні траў, Дзмітрый Кахновіч — на перавозцы сенажу.
У РАПТЗ сярод узнагароджаных — Іван Лазаковіч, заняты на прэсаванні сена, Сяргей Чудапал — на перавозцы сенажу, Аляксандр Тылінскі — на падборы і здрабненні зялёнай масы, Уладзімір Грамыка — на кашэнні траў.
Усе пераможцы атрымалі каштоўныя падарункі і падзячныя пісьмы.
Згодна пастановы прэзідыўма райкама прафсаюза работнікаў АПК будуць ушанаваны лепшыя працаўнікі ўсіх сельгасарганізацый раёна.
На здымку: старшыня райкама прафсаюза работнікаў АПК Віктар Ставер узнагароджвае механізатара РАПТЗ Уладзіміра Грамыку.