У раёне праводзіцца шэраг мерапрыемстваў у межах агульнарэспубліканскага свята – Дня Кастрычніцкай рэвалюцыі.

У раённай бібліятэцы падрыхтавана кніжная выстава “Вялікі Кастрычнік: старонкі гісторыі”. На ёй пабывалі піянеры 7”Б” класа СШ №2 імя К.П.Арлоўскага. Яны мелі размову са старшынёй раённай арганізацыі РГА “Белая Русь”, першым сакратаром раённай арганізацыі Камуністычнай партыі Беларусі Васілём Маркевічам, які нагадаў, з чым звязана святкаванне гэтага дня, расказаў аб яго вялікім значэнні ў гісторыі нашай краіны, героях-земляках, удзельніках рэвалюцыйных падзей 1917 года, а таксама аб традыцыях, якія знайшлі працяг у наш час.
Разам яны пазнаёміліся з літаратурай, прадстаўленай на выставе, падзяліліся думкамі.
Фота Максіма МІКЕШЫНА.