Афганская вайна, якая доўжылася 9 год 1 месяц 19 дзён, была адным з самых
маштабных і працяглых з міжнародных ваенных канфліктаў.
Усяго за перыяд з 25 снежня 1979 года па 15 лютага 1989 года у Афгане
адслужылі 620 тысяч ваеннаслужачых. Праз пекла баявых дзеянняў прайшло
больш за 30 тысяч беларусаў, у тым ліку 82 кіраўчаніны. Трое з іх – Пётр
Петрусевіч, Віктар Шумілаў  і Аляксандр Ядлоўскі загінулі на афганскай
вайне.

З кожным годам страшныя падзеі таго ваеннага канфлікта становяцца ўсё
далей і далей, аднак памяць аб іх болем адгукаецца ў сэрцах яго
непасрэдных удзельнікаў, іх родных і сяброў, кожнага, хто
неабыякавы да гісторыі свайго народа.
Подзвіг, здзейснены савецкімі воінамі­інтэрнацыя­налістамі ў імя міра на
зямлі, іх баявыя традыцыі ў нашы дні з’яўляюцца моцным падмуркам у
патрыятычным выхаванні моладзі. Напярэдадні 33­й гадавіны вываду савецкіх
войск з Афганістана начальнік адасобленай групы (па Кіраўскім раёне)
ваеннага камісарыята г.Бабруйска, Бабруйскага, Глускага і Кіраўскага
раёнаў Андрэй Гайдукевіч правёў у раённай бібліятэцы з прадстаўнікамі
падрастаючага пакалення тэматычную гутарку, падчас якой расказаў аб
мужнасці і гераізме нашых суайчыннікаў, лёсах землякоў­афганцаў.
Засяродзіў увагу на тым, што зараз воіны­інтэрнацыяналісты дэманструюць
прыхільнасць да справядлівасці, прынцыповую жыццёвую пазіцыю, уносяць
важкі ўклад у падтрыманне згоды і стабільнасці у грамадстве.