Аграрыі Кіраўшчыны адзначылі прафесійнае свята: КСУП “Ніва-Барсукі”
Урачыста адзначылі прафесійнае свята работнікі КСУП “Ніва-Барсукі”.
Ад раённага выканаўчага камітэта прысутных вітала начальнік фінансавага аддзела Галіна Шупікава. Яна адзначыла, што працаўнікі гаспадаркі пастаянна на справе даказваюць, што ўмеюць працаваць з высокай эфектыўнасцю, дасягаючы высокіх вытворчых паказчыкаў. На бягучы момант выручка ад рэалізацыі прадукцыі, работ і паслуг павялічылася на 21%, на аднаго працуючага – плюс 17%. Прыбытак склаў 1,6 млн. руб. Высокія рэзультаты атрыманы ў расліннаводстве, гаспадарка заняла 3 месца ў раённым спаборніцтве.
Выканаўшы план яравой сяўбы ў разрэзе асноўных культур з захаваннем усіх агратэхнічных патрабаванняў КСУП “Ніва-Барсукі” прызнана пераможцам раённага спаборніцтва сярод сельгасарганізацый за своечасовае і якаснае правядзенне веснавых палявых работ. Дастойныя рэзультаты дасягнуты ў жывёлагадоўлі. Рост аб’ёмаў вытворчасці малака па выніках года чакаецца больш чым на 4 %.
Ганаровая грамата Магілёўскага абласнога выканаўчага камітэта за дасягненне высокіх вытворчых паказчыкаў была ўручана аператару па дарошчванні маладняку БРЖ Пятру Сямёнаву. Шэрагу працаўнікоў Ганаровыя граматы і грашовыя прэміі ўручыў дырэктар сельгаспрадпрыемства Іван Рыняк, шчыра падзякаваўшы ім за плённую працу.
Музычнымі нумарамі павіншавалі вяскоўцаў самадзейныя артысты з раённага Дома культуры.
Аляксандр ХАХЛОЎ.
Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».
