Сённяшнім дабрабытам дзеці і дарослыя абавязаны людзям старэйшага пакалення. У межах рэспубліканскай дабрачыннай акцыі “Ад усёй душы” на Кіраўшчыне праходзяць мерапрыемствы па ўшанаванні пажылых людзей.  

Павіншаваць жыхароў аддзялення кругласутачнага знаходжання для грамадзян пажылога ўзросту і інвалідаў в.Хвайніца завіталі ганаровыя госці. Пажаданні моцнага здароўя, радасці, міру і дабрабыту і, зразумела ж, навагоднія падарункі пажылыя людзі прымалі ад старшыні райвыканкама Галіны Слабоднікавай, старшыні раённага Савета дэпутатаў Алены Сакадынец, дэпутата Палаты прадстаўнікоў Нацыянальнага сходу Рэспублікі Беларусь Уладзіміра Гацко, а таксама вучняў СШ № 2 імя К.П.Арлоўскага.

Удзел у акцыі – магчымасць для дзяцей і моладзі праявіць свае лепшыя душэўныя якасці, дапамагчы тым, каму гэта патрэбна.

Далучыцца да акцыі можа любы жадаючы!

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».