“2015 год у Беларусі — Год моладзі: маладзёжная палітыка і падтрымка інстытута сям’і ў Рэспубліцы Беларусь” — гэтая тэма была асноўнай у ходзе сустрэч інфармацыйна-прапагандысцкіх груп райвыканкама ў працоўных калектывах, з насельніцтвам па месцы жыхарства пры правядзенні сакавіцкага Адзінага дня інфармавання. 

Інфармацыйна-прапагандысцкая група на чале са старшынёй райвыканкама Аляксандрам Бутаравым пабывала ў сярэдняй школе №1 горада, дзе правяла гутарку з педагагічным калектывам і старшакласнікамі — вучнямі 10-11 класаў.
Асноўныя напрамкі дзяржаўнай маладзёжнай палітыкі ў Рэспубліцы Беларусь акрэсліў начальнік аддзела ідэалагічнай работы, культуры і па справах моладзі райвыканкама Андрэй Карпук.
У нашым раёне, адзначыў ён, колькасць моладзі ва ўзросце ад 14 да 31 года складае 4108 чалавек, гэта 20% ад агульнай колькасці насельніцтва (8,8% маладых лю-дзей пражывае ў г.Кіраўску, 11,2% — у сельскай мясцовасці).
На бягучы год распрацаваны і рэалізуюцца рэспубліканскі, абласны і раённы планы па рэалізацыі Года моладзі, якімі прадугледжаны мера-прыемствы па фарміраванні ў маладых людзей актыўнай жыццёвай пазіцыі, развіцці прававой і электаральнай культуры, гатоўнасці да выканання сацыяльных роляў грамадзяніна, патрыёта, прафесіянала, сем’яніна, маці ці бацькі.
Адным з прыярытэтных напрамкаў маладзёжнай палітыкі, падкрэсліў Андрэй Карпук, застаецца грамадзянска-патрыятычнае выхаванне моладзі з выкарыстаннем форм і метадаў работы, запатрабаваных у маладзёжным асяроддзі, фарміраванне і развіццё духоўна-маральных каштоўнасцей. Гэта асабліва актуальна і ў сувязі з 70-й гадавінай Вялікай Перамогі.
У верасні мінулага года ва ўсіх установах адукацыі раёна былі праведзены сустрэчы ў фармаце “адкрыты дыялог”, а вынікі раённага этапа адкрытага дыялогу “Моладзь Беларусі: традыцыі і будучыня” падведзены на базе Жыліцкага сельгаскаледжа: у межах сустрэчы вучнёўскай і працу-ючай моладзі з прадстаўнікамі органаў дзяржкіравання, дэпутацкага корпусу, кіраўнікоў грамадскіх арганізацый, духавенства і ветэранаў працы былі вызначаны асноўныя напрамкі рэалі-зацыі дзяржаўнай маладзёжнай палітыкі ў нашым раёне. Сустрэчы ў такім фармаце будуць праводзіцца на пастаяннай аснове.
Далей Андрэй Карпук засяродзіў увагу прысутных на пытаннях рэалізацыі рэспубліканскага маладзёжнага праекта “100 ідэй для Беларусі”, работы з перспектыўнымі маладзёжнымі кадрамі, вырашэння праблем занятасці моладзі, арганізацыі працоўнага семестра і будатрадаўскага руху. Адзначалася, што будатрады раёна ўнеслі важкі ўклад пры рэканструкцыі малочна-таварных ферм у сельгасарганізацыях раёна.
Былі абмеркаваны і іншыя пытанні рэалізацыі напрамкаў маладзёжнай палітыкі ў рэспубліцы, вобласці, раёне.
Па пытанні дзяржаўнай падтрымкі інстытута сям’і ў Рэспубліцы Беларусь прысутных праінфармавала намеснік начальніка ўпраўлення па працы, занятасці і сацыяльнай абароне райвыканкама Святлана Сініцкая.
Старшыня райвыканкама Аляксандр Бутараў у сваёй прамове спыніўся на асноўных накірунках сацыяльна-эканамічнага развіцця раёна. Ён пад-крэсліў, што значная доля бюджэтных сродкаў накіроўваецца ў галіну адукацыі.
Бягучы год прадугледжвае рэжым жорсткай эканоміі рэсурсаў усіх відаў, таму ўкладанне сродкаў праводзіцца з улікам першачарговай неабходнасці. Асноўныя аб’екты, якія будуць у зоне ўвагі ў плане правядзення рамонтных работ, — раённая паліклініка, яслі-садок №2, СШ №1 горада. Важнейшая задача — завяршыць распачатую тэрмарэінавацыю будынка школы. Агляд яе памяшканняў, які старшыня райвыканкама зрабіў напярэдадні гэтай сустрэчы, паказаў, што патрабуюць далейшай увагі харчблок, санвузлы, спартзала. Паэтапна ўсё гэта трэба даводзіць да ладу, і не толькі з дапамогай бюджэтных сродкаў. Установа адукацыі мае неблагія напрацоўкі па ўдзеле бацькоўскай грамадскасці, трэба актыўна прыцягваць спонсарскую дапамогу прадпрыемстваў, арганізацый. Неабходна павышаць даходы ад пазабюджэтнай дзейнасці і выкарыстоўваць іх у тым ліку і па ўказаным напрамку.

Аляксандр Бутараў заклікаў звярнуць увагу на пытанні эканоміі электраэнергіі: пакуль школа “плюсуе” да ўзроўню мінулага года.
Старшыня райвыканкама адзначыў, што на рахунку вучняў і педагогаў школы ёсць важкія дасягненні. Так, сёлета на 3-м абласным этапе рэспубліканскай алімпіяды Юліяй Багданавай заваяваны дыплом першай ступені па працоўным навучанні і заахвочвальны дыплом па біялогіі — Анастасіяй Шах. У скарбонцы калектыву школы — і перамогі навучэнцаў у конкурсах рознага ўзроўню.
Але, разам з тым, ёсць пытанні, на вырашэнне якіх неабходна накіраваць увагу і наяўныя рэзервы. Гэта — павышэнне кваліфікацыйнага ўзроўню настаўнікаў, павелічэнне колькасці вучняў-удзельнікаў раённых алімпіяд, павышэнне рэзультатыўнасці ўдзелу ў абласным конкурсе навукова-доследных работ, што з’яўляецца адным з паказчыкаў абласнога рэйтынгу, забеспячэнне больш высокага ўзроўню занятасці вучняў у гуртках і секцыях Цэнтра дадатковай адукацыі дзяцей і моладзі, ДЮСШ, удасканаленне прававой прафілактычнай работы.
Старшыня райвыканкама адзначыў агульную задачу — стварэнне ўмоў для рэалізацыі права кожнага дзіцяці на атрыманне агульнай адукацыі, а таксама для яго гарманічнага развіцця, каб кожны выпускнік у далейшым знайшоў дастойнае месца ў жыцці. А рабятам пажадаў плённай вучобы і актыўнай жыццёвай пазіцыі. Будучыня нашай дзяржавы — у руках сённяшняй моладзі, падкрэсліў Аляксандр Бутараў, сваёй добрасумленнай працай неабходна садзейнічаць захаванню стабільнасці і міру ў нашай краіне, уносіць свой уклад у справу яе далейшага працвітання.
Намеснік старшыні райвыканкама Галіна Слабоднікава заклікала старшакласнікаў быць ініцыятыўнымі, актыўнымі. Раённая арганізацыя БРСМ распачынае маладзёжны праект уладкавання зоны адпачынку на павароце з трасы Бабруйск — Магілёў на а/г Скрыпліца. У кожнага маладога чалавека ёсць магчымасць праявіць сябе. Шырокае поле дзейнасці і ў справе добраўпарадкавання дваровых тэрыторый.
У ходзе сустрэчы таксама была ўзнята тэма небяспечнасці веснавых палаў травы, прыведзены меры крымінальнай і адміністрацыйнай адказнасці за гэтыя дзеянні.
Адно з не менш актуальных пытанняў — прафілактыка ўжывання наркатычных і псіхатропных рэчываў: намеснік начальніка РАУС Ігар Лелеш на канкрэтных прыкладах нагадаў, якімі трагічнымі могуць быць наступствы і якімі строгімі — меры адказнасці. Асобныя палажэнні Дэкрэта Прэзідэнта Рэспублікі Беларусь №6 “Аб неадкладных мерах па супрацьдзеянні незаконнаму абарачэнню наркотыкаў” прывёў пракурор раёна Вячаслаў Паршук.
Наталля ХАДАКОВА.