З мэтай падтрымкі і развіцця навукова-даследчай работы вучняў устаноў агульнай сярэдняй адукацыі ў галіне грамадазнаўства, гісторыі, экалогіі і геаграфіі 30 красавіка ў Акадэміі кіравання пры Прэзідэнце Рэспублікі Беларусь адбыўся І Рэспубліканскі навукова-практычны форум “Крок у будучыню”.

Удзел у ім прыняла вучаніца 9 класа Барчыцкай СШ Марыя Сямёнава, якая займалася даследаваннем тэмы “Устойлівае развіццё Рэспублікі Беларусь”. Яна годна выступіла і атрымала сертыфікат удзельніка.

Спыняцца на дасягнутым Марыя не збіраецца. Як адзначыла яна сама, удзел у форуме пакінуў яркія ўражанні і даў штуршок для далейшага развіцця.

Так трымаць, Марыя!