Акцыяй «Прыгожы двор» стартаваў праект «Мой мірны дом» на Кіраўшчыне

Акцыяй “Прыгожы двор” стартаваў сумесны праект Беларускага Фонду міру і Беларускай натарыяльнай палаты “Мой мірны дом”, які рэалізуецца з сакавіка 2023 года. Праект накіраваны на прававую і матэрыяльную падтрымку дамоў сямейнага тыпу, стымуляванне ў грамадстве сацыяльных ініцыятыў, арыентаваных на клопат
пра дзяцей сіроцкай катэгорыі.

Старшыня Кіраўскай раённай арганізацыі ГА “Беларускі фонд міру” Вольга Гаршкова пабывала ў дзіцячым доме сямейнага тыпу Алы Перавознікавай і прыёмнай сям’і Наталлі Бегуновай, перадала ім насенне кветак і гародніны, што дазволіць добраўпарадкаваць тэрыторыю ля дома, пасеяць градкі і будзе садзейнічаць працоўнаму выхаванню дзяцей. Таксама рабяты атрымалі салодкасці.
Паважаныя кіраўчане, калі вы жадаеце прыняць удзел у гэтай акцыі, у вас ёсць магчымасць падзяліцца пасяўным матэрыялам, можаце звярнуцца з прапановамі па тэлефонах: 72-5-88, 77-1-25.
Хай сумесная праца прынясе сумесны поспех: насенне кветак і гародніны парадуе дзяцей і іх бацькоў пышнай квеценню і багатым ураджаем!