Як паведамляла раённая газета, з 10 снежня 2015 г. па 10 студзеня 2016 г. будзе праходзіць навагодняя дабрачынная акцыя “Нашы дзеці” з удзелам рэспубліканскіх органаў дзяржаўнага кіравання, аблвыканкамаў, Мінскага гарвыканкама і іншых мясцовых выканаўчых і распарадчых органаў.
Кіраўнікі рэспубліканскіх органаў дзяржаўнага кіравання, мясцовых выканаўчых і распарадчых органаў асабіста прымуць удзел у навагодняй дабрачыннай акцыі ’’Нашы дзеці“, наведаюць дзіцячыя інтэрнатныя ўстановы, апякунскія і прыёмныя сем’і, дзіцячыя дамы сямейнага тыпу, сем’і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, дзіцячыя бальніцы з мэтай віншавання дзяцей з Новым годам, Нараджэннем Хрыстовым, уручэння ім падарункаў, аказання дапамогі ў вырашэнні ў адпаведнасці з заканадаўствам існуючых праблем.

Паважаныя работнікі працоўных калектываў горада і сяла, кіраўчане і сяльчане! Давайце актыўна ўключымся ў работы па падрыхтоўцы да набліжаючыхся цудоўных святаў, каб яны прынеслі радасць і незабыўныя ўражанні нашым дзецям і ўсім жыхарам Кіраўшчыны.