Рэдакцыя “Кіраўца” прадоўжыла дабрачынную акцыю “Раёнка” — ветэранам”
Для рэдакцыі “Кіраўца” стала традыцыйнай дабрачынная акцыя “Раёнка” — ветэранам”. Паквартальна афармляецца падпіска на раённую газету для дзвюх палат раённай бальніцы, прызначаных для ветэранаў вайны і працы.
Нумары “Кіраўца” дастаўляюцца ў гэтыя палаты, і пацыенты маюць магчымасць падчас лячэння ва ўстанове аховы здароўя даведвацца аб навінах раёна, знаёміцца з іншымі публікацыямі.
Вось і падчас падпісной кампаніі на першае паўгоддзе 2019 года рэдакцыя раённай газеты прадоўжыла дабрачынную акцыю.
Калі днямі наш фотакарэспандэнт Максім МІКЕШЫН наведаўся ў бальніцу, у адной з палат знаходзіўся на лячэнні былы вязень фашысцкіх канцлагераў, ветэран працы Яўген Лаўрэнцьевіч Кушнер, які выказаў удзячнасць за прадастаўленую магчымасць атрымліваць і чытаць “Кіравец”.