15 – 16 студзеня бягучага года грамадскай арганізацыяй “Ахова птушак бацькаўшчыны” праводзіцца штогадовая рэспубліканская акцыя “Птушкі ля кармушкі”. У яе межах Цэнтр дадатковай адукацыі дзяцей і моладзі пад аднайменнай назвай наладжвае раённы маніторынг пярнатых. Як расказала педагог-арганізатар ЦДАДіМ Юлія Гукава, асноўныя мэты гэтага мерапрыемства – фарміраванне гуманнай асобы і адказнага стаўлення да навакольнага свету.
Каб прыняць удзел у акцыі, да слова, гэта можна зрабіць усёй сям’ёй, трэба павесіць кармушку ў зручнае для вашых назіранняў месца і падлічыць віды і колькасць птушак кожнага з іх на працягу адной гадзіны. Гэтыя дадзеныя варта перадаць у ГА “Ахова птушак бацькаўшчыны” і ЦДАДіМ (педагогу-арганізатару Юліі Гукавай – фота ўліковага лістка і фота з кармушкі з указаннем школы, класа і прозвішча навучэнца); VK: https://vk.com/id290105208, альбо вайбер (+37529)155-98-45 (толькі пісьмова альбо фота ўліковага лістка) ці на электронную пошту uwr.d@yandex.by.
Пра падрабязнасці ўдзелу ў акцыі можна даведацца на сайце АПБ – https://ptushki.org/news/710030.html.
Вешайце кармушкі, лічыце птушак, рабіце фота і публікуйце іх у сацыяльных сетках з хэштэгам #птушкілякармушкі.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».