Супрацоўнікі райаддзела следчага камітэта Рэспублікі Беларусь па ініцыятыве свайго начальніка Ірыны Савельевай-Чмары прынялі ўдзел у рэспубліканскай акцыі “Аднавім лясы разам!”. Шчыравалі на лясных угоддзях бата-нічнага помніка прыроды рэспубліканскага значэння “Участак лесу з каштоўнымі драўнянымі пародамі “Чыгірынскі”, размешчаных на тэрыторыі Стайкаўскага сельсавета.

Ірына Савельева-Чмара адзначыла: “Вырашылі прыняць удзел у гэтай акцыі, каб унесці ўклад у аднаўленне лесу і тым самым прымножыць прыродныя багацці Кіраўшчыны, якія застануцца ў спадчыну нашчадкам. Разам з ляснічым Чыгірын-скага лясніцтва ДЛГУ “Бабруйскі лясгас” Мікалаем Шэпетавым выехалі на месца, пашчыравалі і атрымалі станоўчыя эмоцыі і ад працы на свежым паветры, і ад таго, што карысна правялі час”.
Насаджэнне батанічнага помніка “Чыгірынскі” закладзена ў 1884 годзе, займае 39 тысяч квадратных метраў. Там акліматызаваны елка канадская, сасна веймутава, лістоўніцы еўрапейская і сібірская. Узрост дрэў перавышае 120 гадоў.
Нагадаем, што акцыю “Аднавім лясы разам!” ініцыіравала Міністэрства лясной гаспадаркі, каб аднавіць лясныя масівы, якія пацярпелі ад ліпеньскага ўрагану. У выніку стыхіі было пашкоджана 4 млн. кубаметраў драўніны на плошчы больш за 12 тыс. га. Акцыя праводзілася на добраахвотнай аснове на працягу кастрычніка.