Цяплічнікі рыхтуюцца да новага сезона

Падыходзіць да завяршэння сезон збору ўраджаю ў цяплічнай гаспадарцы СВК “Рассвет” імя К.П.Арлоўскага. Сёлета мясцовым раслінаводам ўдалося няблага спрацаваць па вырошчванні агуркоў: за 2 абароты атрымана 1082 т, што на 32 т больш, чым летась. Добра зарэкамендаваў сябе апрабаваны новы гібрыд “4097”. Мяркуецца гэты гатунак выкарыстаць у якасці расады і ў новым сезоне.

Зараз работнікі цяпліцы праводзяць уборку памяшканняў ад рэшткаў раслін, дэзінфекцыю . Ужо ў першай палове снежня плануецца высадка насення таматаў, пад якія адведзены 2 га. І тут будзе выкарыстаны новы гатунак — “балена Ф-1”. Сёлета ён таксама вылучыўся прадукцыйнасцю. У другой жа палове снежня будзе высаджана насенне агуркоў, якія зоймуць 8 га цяплічных плошчаў.

Аляксандр ХАХЛОЎ.