Улічваючы значнасць галіны жывёлагадоўлі для ўмацавання эканомікі сельгасарганізацый, забеспячэння харчовай бяспекі краіны, раённая ўлада надае вялікую ўвагу пытанням павышэння эфектыўнасці работы гэтай галіны. І ў ходзе нядаўняга пасяджэння райвыканкама ішла дзелавая, прынцыповая размова аб дзейнасці сельскагаспадарчых арганізацый па развіцці жывёлагадоўлі, вытворчасці малака, паляпшэнні паказчыкаў рэалізуемай жывёлагадоўчай прадукцыі. А для большай нагляднасці таго, як на месцах вырашаюцца гэтыя пытанні і над чым яшчэ неабходна працаваць, пасяджэнне было выязным і праходзіла на базе РУП “Жылічы” з удзелам кіраўнікоў гаспадарак, спецыялістаў райсельгасхарчу.
Перад пачаткам аб’езду жывёлагадоўчых аб’ектаў сельгаспрадпрыемства старшыня райвыканкама У.У.Піскіжаў падкрэсліў актуальнасць разглядаемага пытання. На бягучую пяцігодку перад аграрным сектарам краіны пастаўлена задача выйсці на самафінансаванне. З боку дзяржавы ўжо не назіраецца такіх значных фінансавых уліванняў, як раней, у сельскую гаспадарку: фінансавыя рэсурсы паступаюць выключна ў выглядзе крэдытаў. Таму, каб мець дастойныя вынікі працы, сельгасарганізацыям сёння неабходна ісці па шляху зніжэння затрат на вы-творчасць прадукцыі, дзеля павышэння яе канкурэнтаздольнасці. На жаль, адзначыў кіраўнік раённай “вертыкалі”, у жывёлагадоўлі яшчэ не навучыліся да канца вы-трымліваць тэхналогію вытворчасці, што адбіваецца на канчатковых рэзультатах.
Усе пытанні, якія датычацца работы галіны асобна па гаспадарках і ў цэлым па раёне, абмяркоўваліся па меры наведвання жывёлагадоўчых аб’ектаў РУП “Жылічы”.
Н а Лёўкавіцкай малочнатаварнай ферме намеснік начальні-ка райсельгасхарчу па жывёлагадоўлі І.Л.Гры-шчанка з дапамогай стэндаў з табліцамі, характарызуючымі дзейнасць гаспадарак, прааналізаваў вынікі работы за 8 месяцаў бягучага года.
Па становішчу на 1.09.2011 г. колькасць буйной рагатай жывёлы ў гаспадарках склала 29759 галоў або 102% да адпаведнага перыяду мінулага года, у тым ліку кароў — 8273 галавы (103,2%), свіней — 8984 (каля 96%). У цэлым па гаспадарках агульная колькасць БРЖ павялічылася на 609 галоў за кошт уласнага аднаўлення статка.
Сельгасарганізацыямі атрымана 30251 тона малака (101%) пры ўдоі на карову 3167 кг (мінус 71 кг у параўнанні з аналагічным перыядам мінулага года).
Рэалізацыя малака па ўсіх каналах збыту склала за студзень —ліпень 26160т (101,1% да ўзроўню 2010 г.).
За першае паўгоддзе ад рэалізацыі малака сельгасарганізацыямі атрымана 6006 млн. рублёў прыбытку, узровень рэнтабельнасці склаў 33,6%. Ад рэалізацыі малака сортам “экстра” дадаткова атрымана 12,8 млрд. рублёў выручкі.
Што датычыцца рэалізацыі жывёлы ў жывой вазе, яна склала 3166 т (+8,7% да ўзроўню 2010 г.).
Як заўважыў І.Л.Гры-шчанка, маглі б спрацаваць з лепшымі вынікамі, але з-за пэўных упушчэнняў у рабоце гэтага не адбылося, і асноўнае, што найбольшым чынам паў-плывала на недаатрыманне прадукцыі, — названае ў пачатку пасяджэння кіраўніком раёна незахаванне ў поўнай меры тэхналогіі вытворчасці. Калі гаварыць аб прамысловай вытворчасці малака і вырошчванні буйной рагатай жывёлы, трэба менавіта на гэты рэзерв звярнуць самую пільную ўвагу.
Распрацаваны схемы, якія павінны забяспечваць тэхналогію вырошчвання маладняку БРЖ і вытворчасці малака. Згодна тэхналагічных норм, ад-значыў І.Л.Грышчанка, на вырошчванні маладняку да 6 месяцаў сярэднясутачныя прывагі павінны быць не менш 750 грамаў. Увогуле па раёне за 8 месяцаў практычна наблізіліся да гэтай лічбы: атрымалі 739 г. Але ў той жа час у СВК “Бераснеўскі” — 573 г, “Калгас “Свярдлова”— 483 г, РУП “Жылічы” — 695 г.
Вялікая разбежка па гаспадарках і ў тэрмінах вырошчвання маладняку: па тэхналогіі першае пладатворнае асемяненне цялушкі павінна рабіцца да 16-ці месяцаў. У сярэднім па раёне гэты паказчык — 19 месяцаў за кошт таго, што ў СВК “Калгас “Свярдлова” — 25, “Бераснёўскім” і “Чыгірынцы” — па 21, “Добасна-агра” — 20 месяцаў. Ператрыманне цялушак прыносіць гаспадаркам каласальныя страты: назіраецца перарасход кармоў, недаатрыманне малака — па раёне за 8 месяцаў гэта вылілася ў суму 2 млрд. 152 млн. рублёў.
Яшчэ І.Л.Грышчанка з’акцэнтаваў увагу кіраўнікоў гаспадарак на неабходнасці выкарыстання спецыялізаваных кармоў для кармлення маладняку БРЖ да 6 месяцаў. Гэтыя кармбікармы не танныя, але даюць належны эфект. Гэта пацвярджае практыка СВК “Рассвет” імя К.П.Арлоў-скага і “Чырвоны баец”, якія выкарыстоўваюць спецкармоў для кармлення цялушак і бычкоў.
Увогуле, калі размова ішла аб кармавых рацыёнах, была адзначана станоўчая роля адходаў спіртавой прамысловасці — піўной драбіны, барды ў павелічэнні малочнай прадуктыўнасці жывёлы і атрымані тэхналагічных прываг на вырошчванні і адкорме. І ў гэтым многія гаспадаркі пераканаліся.
Н а яшчэ вельмі важнае пытанне звярнуў увагу прысутных начальнік райсельгасхарчу А.В.Осіпаў: каб паспяхова выконваць задачы па нарошчванні аб’ёмаў вытворчасці прадукцыі жывёлагадоўлі і выконваць прагнозныя паказчыкі, неабходна расшыраць плошчы жывёлагадоўчых аб’ектаў: у многіх гаспадарках назіраецца іх перанасычанасць жывёлай, а статак трэба павялічваць па раёне як мінімум на 10%. Распрацаваны мерапрыемствы па развіцці вы-творчай базы жывёлагадоўлі ў сельгасарганізацыях раёна, пачынаючы з бягучага года да 2013 г., уключаючыя як рэканструкцыю, так і будаўніцтва жывёлагадоўчых памяшканняў і аб’ектаў.
У праграму развіцця галіны на бягучую пяцігодку закладзены павышэнне вытворчасці малака як мінімум на 30%, іншыя арыенціры, дзеля дасягнення якіх неабходна ліквідаваць упушчэнні і пралікі ў рабоце.
Н а Лёўкавіцкай малочнатаварнай ферме ўдзельнікі выязнога пасяджэння назіралі за парадкам выпойвання цялят так званай электроннай мамай. Аб парадку выкарыстання гэтага абсталявання расказаў і адказаў на пытанні прысутных прадстаўнік фірмы, якая ажыццяўляла яго мантаж. Дарэчы, у раёне акрамя РУП “Жылічы” электронная мама прымяняецца ў СВК “Рассвет” імя К.П.Арлоўскага і ўжо апраўдала мэтазгоднасць яе выкарыстання.
На наступны год па-стаўлена задача забяспечыць мантаж такога абсталявання і арганізаваць выпойванне цялят перад СВК “Калгас “Беларусь” і “Калгас “Ніва”.
Тое, як можна з карысцю для справы задзейнічаць непатрэбныя старыя збудаванні, прадэманстраваў старшыня РУП “Жылічы” М.К.Агафонаў: на месцы былога хлява ўладкаваны выгульны двор, для чаго часткова выкарыстаны фундамент былога будынка, а таксама зроблена новая металічная агароджа. Добраўпарадкавана прыфермская тэрыторыя, работы ў гэтым напрамку працягваюцца.
Далейшым пунктам наведвання была Пархімкавіцкая малочнатаварная ферма: яна — старая па “ўзросце”, але валаўтвараючая для гаспадаркі: больш паловы малака атрымліваюць менавіта тут. Як і на іншых “узроставых” фермах, былі праблемныя пытанні ва ўладкаванні малочнага блоку з пункту гледжання санітарных норм і правілаў. Зроблены істотныя захады ў напрамку паляпшэння становішча, і гэта сёння дае сваю аддачу.
І ўвогуле кіраўніцтва раёна станоўча ацаніла работу, праведзеную ў РУП “Жылічы” па забеспячэнні выканання паказчыкаў па вытворчасці і рэалізацыі малака.
Жыліцкая малочнатаварная ферма абсталявана даільнай залай. Тут утрымліваецца 300 галоў жывёлы.
Пры абмеркаванні пытання работы даільных залаў у гаспадарках раёна адзначалася неабходнасць павышэння эфектыўнасці вытворчасці ў іх малака: па выніках бягучага года яна павінна скласці не менш 85%.
Увага прысутных кіраўнікоў сельгасарганізацый была звернута на пляцоўку, абсталяваную для часовага захоўвання кармоў перад раздачай і дадзена даручэнне зрабіць аналагічныя.
У дзельнікі пасяджэння абмеркавалі іншыя важныя напрамкі далейшага развіцця жывёлагадоўлі, работы па паляпшэнні паказчыкаў рэалізуемай прадукцыі: усё гэта знайшло адлюстраванне ў прынятым рашэнні райвыканкама.
У ходзе практычнай часткі пасяджэння яго ўдзельнікі наведалі, акрамя жывёлагадоўчых аб’ектаў, мехдвор РУП “Жылічы” і адзначылі станоўчыя змены ў плане ўладкавання і добраўпарадкавання, бульбасховішча непадалёку ад Жыліцкай МТФ, пад якое пераабсталявана невыкарыстоўваемае раней збудаванне.
Наталля ХАДАКОВА.