Па ўжо склаўшайся традыцыі кожны год юнакі і дзяўчаты ў складзе студатрадаў прымаюць актыўны ўдзел ва ўзвядзенні, рэканструкцыі або добраўпарадкаванні знакавых для нашай краіны аб’ектаў. Многія лічаць гэта выдатнай магчымасцю ўнесці свой пасільны ўклад у агульную справу развіцця і працвітання Беларусі, акрамя таго, рабяты атрымліваюць шанц уласнай працай зарабіць свае грошы. 

На мінулым тыдні на базе Жыліцкага сельгаскаледжа прайшла ўрачыстая лінейка “Працоўны семестр — 2014”, пры-свечаная 70-годдзю вызвалення Рэспублікі Беларусь ад нямецка-фашысцкіх захопнікаў. Перад корпусам сельгаскаледжа выстраіліся калоны рабят, якія ў хуткім часе сваімі працоўнымі дасягненнямі будуць прымнажаць слаўныя традыцыі студатрадаў-скага руху.
Ганаровае права падняць Дзяржаўны флаг Рэспублікі Беларусь было прадастаўлена лепшаму камандзіру леташняга студэнцкага атрада імя Е.У.Дабравольскага Андрэю Гарбатоўскаму і камандзіру сёлетняга студатрада імя Р.А.Худалеева Аляксандру Кухараву.
Вітаючы байцоў студ- атрадаў, начальнік ад-дзела ідэалагічнай работы, культуры і па справах моладзі райвыканкама Андрэй Карпук адзначыў, што папулярнасць студ-атрадаў штогод павялічваецца. Удзел у іх — гэта працоўны вопыт, новыя сябры, уласны заробак. Работа ў студатрадах спрыяе не толькі прафесійнаму росту студэнтаў, але і выхаванню дастойнай будучыні нашай краіны.
Павіншаваў моладзь з пачаткам трэцяга працоўнага семестра намеснік дырэктара па выхаваўчай рабоце Жыліцкага сельгаскаледжа Анатоль Пенязь. У сваёй прамове ён адзначыў, што студэнцкі атрад — гэта своеасаблівая школа жыцця, якая вучыць пераадольваць цяжкасці, а таксама выхаванне калектывам, адпачынак, песні пад гітару, дыскатэкі, і, канешне ж, новае сяброўства.
Удзел у працоўным семестры-2014 прымуць 20 студатрадаў з ліку навучэнцаў сельгаскаледжа, ліцэя №15, школ раёна, Бабруйскага будаўнічага каледжа, шэрагу навучальных устаноў г.Магілёва. У гэтым працоўным семестры рабяты будуць задзейнічаны на работах па падрыхтоўцы нашага раёна да абласнога фестывалю-кірмашу працаўнікоў вёскі “Дажынкі-2014”, а таксама на будаўніцтве і рэканструкцыі малочна-таварных ферм.
Звяртаючыся да прысутных, першы сакратар райкама ГА “БРСМ” Алена Осіпава нагадала, што студатрады былі калісьці брэндам маладзёжнага руху, і сёння робіцца ўсё для таго, каб гэта быў брэнд Беларускага рэспубліканскага саюза моладзі. Алена Осіпава пажадала рабятам працоўных поспехаў, заклікала з адказнасцю ставіцца да захавання працоўнай дысцыпліны і тэхнікі бяспекі, а самае галоўнае — берагчы сваё здароўе.
Начальнік аддзела ідэалагічнай работы, культуры і па справах моладзі райвыканкама Андрэй Карпук уручыў камандзірам студэнцкіх атрадаў працоўныя пуцёўкі.
Жадаем рабятам, каб іх працоўныя будні былі напоўнены стваральнымі справамі і пазітыўнымі эмоцыямі!
Міла ГРЫГОР’ЕВА.
Фота
Максіма МІКЕШЫНА.
На здымках: начальнік аддзела ідэалагічнай работы, культуры і па справах моладзі райвыканкама Андрэй Карпук уручае працоўныя пуцёўкі; у добры шлях, студатрадаўцы; вахта Памяці ля помніка навучэнцам і выкладчыкам Жыліцкага саўгаса-тэхнікума, загінуўшым на франтах Вялікай Айчыннай вайны і ў партызанах; з пачаткам трэцяга працоўнага семестра рабят павіншаваў намеснік дырэктара па выхаваўчай рабоце Жыліцкага сельгаскаледжа Анатоль Пенязь.