Масавымі, карыснымі, вясёлымі і запамінальнымі атрымаліся прайшоўшыя ў мінулую суботу мерапрыемствы ў межах акцыі “Кіраўшчына — тэрыторыя здароўя”. Яркае, па-вясенняму цёплае сонейка, бадзёрая музыка і шчырыя ўсмешкі на тварах стваралі адчуванне сапраўднага свята ў межах акцыі .
Пачалося яно на цэнтральнай плошчы горада, дзе сабраліся школьнікі, прадстаўнікі працоўных калектываў, жыхары і госці горада і раёна.
З прывітальным словам да прысутных звярнулася старшыня раённага Савета дэпутатаў Надзея Каранкевіч. Яна павіншавала ўсіх прыхільнікаў здаровага ладу жыцця са святам і запрасіла прыняць актыўны ўдзел у арганізаваных спартыўных, аздараўленчых і забаўляльных мерапрыемствах. Надзея Аляксееўна запэўніла, што арганізатары мерапрыемства паклапаціліся, каб кожны, хто прыйшоў на свята, знайшоў сабе занятак па душы і правёў вольны час з карысцю.

Словы ўдзячнасці за праяўленую актыўнасць у арганізацыі і правя-дзенні мерапрыемства выказала кіраўчанам намеснік галоўнага дзяржаўнага санітарнага ўрача вобласці Ала Булай. Яна адзначыла, што ў нашай вобласці правядзенне такіх шырокамаштабных акцый стала ўжо добрай традыцыяй, і вельмі прыемна, што гэтую эстафету здароўя падхапіла Кіраўшчына. Галоўная мэта дадзенай акцыі — прыцягнуць як мага большую колькасць насельніцтва да здаровага ладу жыцця. «Быць здаровым — значыць, быць паспяховым у жыцці», — падкрэсліла Ала Булай.
Далей усіх захапіў флэшмоб “Маладое пакаленне выбірае здароўе!”. Першымі па імправізава-най сцэне з рознакаляровымі шарамі ў руках прайшлі выхаванцы дашкольных устаноў, за імі — дружнымі радамі са спартыўнымі абручамі ў руках прамаршыравалі вучні малодшых класаў, танцавальную эстафету падхапілі рабяты-старшакласнікі. А потым пло-шча горада ў адно імгненне ператварылася ў вялізную спартыўную пляцоўку: пад заўзятую мелодыю ўдзельнікі флэшмоба запрасілі ўсіх прысутных на музычную фізкультразмінку.
Рабяты з раённай арганізацыі ГА “БРСМ” арганізавалі на плошчы работу маладзёжнай пляцоўкі. У межах праводзімай імі акцыі “Памяняй цыгарэту на цукерку” ўсе жадаючыя мелі магчымасць зрабіць крок у напрамку развітання з такой шкоднай звычкай, як курэнне. Акрамя таго, была наладжана раздача лістовак “Здаровыя парады”.
Вучні СШ №1 праводзілі розыгрыш бяспройгрышнай латарэі “Здароўе — гэта здарова”. Карысныя буклеты аб здаровым ладзе жыцця раздавалі ўдзельнікам мерапрыемства супрацоўнікі РЦСАН.
Сваім цудоўным настроем і смачнымі блінамі ў межах “Масле-нічных гулянняў” частавалі адпачываючых калектывы самадзейных артыстаў Дабаснянскага, Баравіцкага і Скрыпліцкага сельскіх Дамоў культуры.
Кожны жадаючы меў магчымасць набыць на выставе-продажы “Незвычайны сувенір” цудоўныя цацкі, зробленыя рукамі рабят, якія наведваюць майстэрні РДК.
А тым часам у раённым Доме культуры разгарнулася работа міні-паліклінікі, дзе прыём усіх жадаючых ажыццяўлялі ўрачы Магілёўскай абласной арганізацыі Беларускага таварыства Чырвонага Крыжа, райбаль-ніцы, абласнога цэнтра гігіены, эпідэміялогіі і грамадскага здароўя, Бабруйскага занальнага цэнтра гігіены і эпідэміялогіі, Кіраўскага раённага ЦГЭ.
Трэба сказаць, кіраўчане актыўна скарысталіся магчымасцю атрымаць кансультацыйную дапамогу ўрачоў-спецыялістаў. Папулярнымі былі паслугі ўльтрагукавога даследавання шчытападобнай і малочнай залоз, электракардыяграмы, вымярэння артэрыяльнага ціску, узроўню глюкозы ў крыві і інш. Задавальненне і добрае самаадчуванне атрымалі грамадзяне, якія прайшлі працэдуру аздараўлення на масажных крэслах.
Нягледзячы на тое, што работа міні-паліклінікі была абмежавана пэўным рэжымам работы, ніводны чалавек не застаўся без дапамогі: прыём ажыццяўляўся да таго часу, пакуль апошні пацыент не атрымаў ад урачоў слушныя парады па паляпшэнні свайго самаадчування.
У межах прайшоўшага свята здароўя ў Цэнтры вольнага часу была наладжана выстава-продаж прадукцыі для правільнага харчавання і дэгустацыя страў карыснай ежы. Розныя прысмакі прапанавалі ўсім жада-ючым райспажыўтаварыства, ЗТАА “Кіраўскі харчовы камбінат”. І рабяты, і дарослыя з задавальненнем частаваліся хлебабулачнымі вырабамі і салодкай выпечкай, якая выпускаецца вытворчым аддзелам райспажыўтаварыства, а аддзел па нарыхтоўках прапанаваў пасмакаваць разнасолы.
Карыснымі і лячэбнымі напоямі і чаямі з розных сушаных траў і ягад частавалі супрацоўнікі санаторыя імя К.П.Арлоўскага і раённага Дома культуры. Вялікую колькасць разнастайных відаў чаю прапанавала пакупнікам прыватнае прадпрыемства “МарТина-имидж”. Акрамя дэгустацыі кожны меў магчымасць набыць спадабаўшуюся карысную і смачную прадукцыю.
У Цэнтры вольнага часу была таксама нала-джана конкурсна-забаўляльная праграма “Формула здароўя”, адбылася маладзёжная танцавальная праграма “Сокі піць — здаровым быць”.
Прыхільнікаў вакальнай творчасці чакаў захапляльны і відовішчны раённы этап рэспубліканскага маладзёжнага вакальнага конкурсу “Новыя імёны Беларусі” (больш падрабязна аб гэтым — у бліжэйшых нумарах “Кіраўца”).
Свята атрымалася сапраўды маштабным, карысным і цікавым. Кіраўчане і госці горада засталіся задаволенымі арганізацыяй і правя-дзеннем дадзенай акцыі.
Людміла СЯМЁНАВА.
Фота аўтара
і Наталлі ХАДАКОВАЙ.