За перыяд з 8 па 15 чэрвеня райаддзелам унутраных спраў зарэгістравана 5 злачынстваў, з якіх 1 грабеж, а астатнія — крадзяжы маёмасці. Не раскрытым застаецца толькі адно злачынства.
8 чэрвеня ўзбуджана крымінальная справа ў дачыненні мінчаніна, непрацуючага, раней судзімага за няўплату аліментаў : ён 7 чэрвеня каля 14.30 гадзін на лесвічнай пляцоўцы ў гасцініцы СВК “Рассвет” імя К.П.Арлоўскага ў а/г Мышкавічы ўкраў мабільны тэлефон у жыхаркі г.п.Глуск, якая знаходзілася ў рабочай камандзіроўцы.
10 чэрвеня ўзбуджана крымінальная справа ў дачыненні непрацуючага, раней не судзімага кіраўчаніна 1976 г.н., які 9 чэрвеня каля 19.40 гадзін на вул.Валадарскага райцэнтра адкрыта ўкраў мабільны тэлефон у непаўналетняй кіраўчанкі.
11 чэрвеня ўзбуджана крымінальная справа ў дачыненні двух навучэнцаў ліцэя №15, якія 3 мая з гаспадарчай пабудовы ў райцэнтры шляхам вырывання прабою ўкралі ў мясцовага жыхара двух інддыкоў.
13чэрвеня ўзбуджана крымінальная справа ў дачыненні кіраўчаніна 1982 г.н., непрацуючага, раней судзімага за ўчыненне злачынства, звязанага з незаконным абаротам наркотыкаў, які напрыканцы снежня мінулага года ўкраў аўтамагнітолу з а/м “Фольксваген”.
Дзякуючы настойлівасці дзеянняў аператыўных супрацоўнікаў райаддзела ўнутраных спраў па выкананні сваіх службовых абавязкаў і забеспячэнні выканання галоўнага прынцыпу непазбежнасці пакарання раскрыта злачынства, учыненае ў чэрвені 2011 года: крадзеж двух мабільных тэлефонаў у жыхароў а/г Добасна.
За тыдзень супрацоўнікі міліцыі канфіскавалі 0,5 літра віна, рэалізаванага ў а/г Любонічы ва неўстаноўлены час, 40 літраў бражкі ў ходзе санкцыяніраванага агляду жылля ў в.Лёўкавічы і 36 літраў бражкі — у ходзе агляду жылля ў в.Суянец. Па ўсіх фактах праводзяцца праверкі.
6 чэрвеня ў 17.10 паблізу в.Гута адбылося ўзгаранне дачнага доміка. Агнём пашкоджаны дом. Прычына пажару ўстанаўліваецца. Па факце ўзгарання праводзіцца праверка.
У гэты ж дзень у 15.00 гадзін непрацуючы жыхар г.Калінкавічы кіруючы а/м “Мэрсэдэс” на аўтадарозе Магілёў — Бабруйск паблізу в.Чычэвічы пры ўзнікненні перашкоды з’ехаў на абочыну і ўчыніў наезд на стаяўшы а/м “Фольксваген”. У выніку дарожна-транспартнага здарэння вадзіцелю “Фольксвагена” — жыхару Бабруйска прычынены цялесныя пашкоджанні.
Паважаныя грамадзяне! Будзьце ўважлівымі! Не стаўцеся абыякава да сябе і сваёй маёмасці, бо злачынствы лягчэй папярэджваць!
Мікалай НАЗАРЧУК, намеснік начальніка РАУС
па ідэалагічнай рабоце і кадравым забеспячэнні,
падпалкоўнік міліцыі.

“Каштоўны” метал
Па-ранейшаму, найбольш “каштоўным” прадметам спакусаў злодзеяў з’яўляюцца металічныя вырабы. Так, у пачатку красавіка з тэрыторыі артэзіянскай свідравіны УКДВП “Вадаканал” паблізу в.Гута шляхам свабоднага доступу ўкрадзена 54, 6 м металічнай агароджы на суму каля 5 млн. рублёў, а таксама металічны плот коштам каля 2,7 млн рублёў.
Сярод ахвяр “паляўнічых” за металам — не толькі юрыдычныя асобы. 11 красавіка РАУС узбуджана крымінальная справа ў адносінах трох непрацуючых юнакоў 1991, 1993 і 1994 г.н., якія ўкралі ў пенсіянеркі з Кіраўска чыгунную ванну.
Яшчэ ў адной пенсіянеркі з в.Негаўля невядомыя злодзеі ўкралі металічны бак.
Двое маладых людзей, таксама непрацуючых, шляхам узлому вакна ўкралі з домаўладання кіраўчанкі 6 чыгунных дзвярэй і 3 засоўкі.

Служкі “зялёнага змею”
Супрацоўнікі РАУС рэгулярна праводзяць мерапрыемствы па выяўленні і канфіскацыі спіртаўтрымліваючай прадукцыі незаконнага вырабу, прыцягненні грамадзян, якія ставяць вытворчасць самагону на паток, да адказнасці.
31 сакавіка ў жыхара в.Стапіўшчы — пенсіянера 1947 г.н. знайшлі і канфіскавалі 30 літраў самагоннай брагі. 27 красавіка ў поле зроку праваахоўнікаў трапілі двое жыхароў в. Пацава Слабада, у іх канфіскавалі па літру самагонкі і па 50 літраў самагоннай брагі.
Наяўнасць спіртаўтырмліваючай прадукцыі зарэгістравана ў іншых населеных пунктах раёна, але ў меншых памерах.

Спакусіўся на грошы і… цукеркі
У сярэдзіне красавіка з домаўладання жыхаркі в.Валосавічы прапалі 500 тысяч рублёў і… 1 кг цукерак. Пазней выствелілася, што крадзеж шляхам разбіцця ваконнага шкла ўчыніў 10-гадовы вучань Мышкавіцкай СШ.
37-гадовая кіраўчанка, знаходзячыся ў гасцях у сваёй сяброўкі, украла з курткі гаспадыні кашалёк з 680 тысячамі рублёў.
Такім жа чынам аддзякаваў за гасціннасць і жыхар в.Стаўпішчы, які, знаходзячыся ў доме свайго аднавяскоўца — пенсіянера, украў у яго 450 тысяч рублёў.

Дачы не застаюцца без “увагі”
На працягу сакавіка і красавіка бягучага года ў РАУС паступіла 5 паведамлянняў аб крадзяжах з дачных уладанняў. Злодзеі ўчынілі набегі на дачы ў вёсках Шалаёўка, Рог, Гута, Выжары, Лешчанка. Прадметамі замахаў сталі асабістыя рэчы дачаўладальнікаў, адзенне, абутак, сякеры, лом чорнага металу, металічныя брамы і вагі, посуд, бялізна, кола ад веласіпеда.

“Прывітанне” з часін вайны
31 сакавіка ў лясным масіве паблізу в.Стаўпішчы быў знойдзены 88-міліметровы снарад часін Вялікай Айчыннай вайны. Затым 13 і 17 красавіка на палях паблізу вёсак Барчыцы і Лёўкавічы пры правядзенні сельскагаспадарчых работ былі знойдзены яшчэ два “прывітанні” з часін вайны: мінамётная міна і 2 артснарады 76-міліметровага калібру.
Уся знойдзеная зброя абясшкоджана спецыялістамі сапёрна-піратэхнічнай групы в/ч 5527.
Мабільнік і веласіпед
Не абышлося без “традыцыйных” для Кіраўска кра-дзяжоў — веласіпедаў, а таксама мабільных тэлефонаў. У кіраўчанкі мабільнік укралі з кішэні курткі, якую яна пакінула ў гардэробе Жыліцкага СДК.
35-гадовы кіраўчанін, непрацуючы, раней не судзімы, украў ля будынка “Бытавыя паслугі” веласіпед вартавога гэтага будынка.

У рамках аперацыі “Арсенал”
Супрацоўнікі РАУС у рамках аперацыі “Арсенал” 26, 27 сакавіка бягучага года знайшлі і канфіскавалі незарэгістраваныя: 3 паліяўнічыя стрэльбы “ІЖ” 16-ці міліметровага калібру ў жыхароў вёсак Шалаёўка, Любонічы і Падсёлы, паляўнічую зброю “ТОЗ-БМ” 16-ці міліметровага калібру ў вяскоўца са Стаек.

Няшчасны выпадак на рыбалцы
Дзень 23 красавіка стаў апошнім для рабочага СВК “Чырвоны баец” 34-гадовага жыхара аграгарадка Паўлавічы. Аматар рыбнай лоўлі патануў у вадаёме паблізу Паўлавіч, калі займаўся сваім хобі…
А вось трое жыхароў нашага раёна вырашылі пакінуць гэты свет самі — шляхам самагубства. Трагедыі адбыліся 26 сакавіка, 22 і 26 красавіка. Тры мужчыны — жыхары Любоніч, Букіно і Пацавай Слабады паве-сіліся. Іх целы знайшлі ў гаражы, сваім домаўладанні і ў калгасным садзе адпаведна. Вядома, што двое з самагубцаў пакутвалі: адзін — ад захворвання сэрца, другі — ад шызафрэніі.
Падрыхтавала Яўгенія КАРАНКЕВІЧ.
(матэрыялы прадастаўлены намеснікам
начальніка РАУС Мікалаем НАЗАРЧУКОМ).

У двухтыднёвы перыяд з 7 па 21 верасня бягучага года на тэрыторыі раёна зарэгістравана 11 злачынстваў, 7 з якіх раскрыты. Як і раней, найбольш распаўсюджанымі застаюцца крадзяжы маёмасці грамадзян.
Усё, што трапляецца пад руку…
…крадуць злодзеі. Як гэта найчасцей бывае, аб’ектамі іх зламысных намераў становяцца рэчы, якія знаходзяцца без нагляду гаспадароў. Шмат разоў учыняліся крадзяжы з дачных пабудоў у адсутнасць іх уладальнікаў. Вось і нядаўна каля в. Гута ў дачным доме бабруйчанкі невядомы ўзламаў дзверы і ўкраў газавы балон і садовы інструмент. А ў цяпліцы ў жыхаркі в. Вілы на прысядзібным участку хтосьці паквапіўся на агародніну.
Навучэнцу ліцэя №15 дужа захацелася мець такі ж МР-3 плеер, як у яго знаёмага, таксама ліцэіста. Ну, а самы лёгкі спосаб, на яго думку, — гэта ўкрасці. Што юны злодзей і зрабіў, калі жаданая рэч без нагляду знаходзілася ў адным з пакояў інтэрната…
Не абышлося і без “славутых” кра-дзяжоў веласіпедаў. Так, у кіраўчанкі прапала яе двуколавая машына, якая была пакінута каля аднаго з дамоў па вул. Першамайскай райцэнтра. Прыкладны перыяд учынення крадзяжу — з 23.00 па 00.30 гадзін. Не пакідайце свае рэчы без нагляду…
Яшчэ адзін крадзеж меў “п’яны” акцэнт. Рабочы УКП “Жылкамгас” бавіў час за бутэлькай у кампаніі жыхаркі вул. Юбілейнай райцэнтра. Выбраўшы зручны момант, калі гаспадыня не праявіла пільнасць, госць украў у яе 200 тыс. рублёў, а заадно прыхапіў бутэльку гарэлкі.
Садовы дэтэктыў
Прыцягненнем да крымінальнай адказнасці адразу па трох артыкулах Крымінальнага кодэксу завяршыўся ваяж у фруктовы сад СВК “Рассвет” імя К.П.Арлоўскага жыхара Валосавіч. Неяк уранні разам са сваім аднавяскоўцам ён накіраваўся сюды на аўтамашыне. Аб мэтах наведвання ў сад, дзе паспеў багаты ўраджай яблыкаў, няцяжка здагадацца. Парушальнікаў заўважылі работнікі сада і патрабавалі пакінуць яго тэрыторыю. Адпаведнай рэакцыі не паследавала. Да візіцёраў мусілі прымяніць сілу. Надта “пакрыўджаным” гэтымі абставінамі аказаўся адзін з іх. Праз непрацяглы час ён вярнуўся і стаў пагражаць начальніку вытворчага ўчастка забойствам або нанясеннем цяжкіх цялесных пашкоджанняў, прычым рабіў гэта з дапамогай пнеўматычнага пісталета, па-трабуючы за “маральны ўрон” 200 долараў ЗША… Умяшаліся ў садовы дэтэктыў супрацоўнікі міліцыі. Пагроза забойствам і вымагальніцтва — гэта ўжо працяглы тэрмін турэмнага зняволення. А тут высветлілася, што кіраваў аўтамашынай зламыснік у стане алкагольнага ап’янення, прычым гэта яго паўторнае парушэнне на працягу года і, адпаведна, яшчэ адна крымінальная справа…
Уладзімір СЦЯПАНЧАНКА,
начальнік штаба РАУС.

У двухтыднёвы перыяд з 7 па 21 верасня бягучага года на тэрыторыі раёна зарэгістравана 11 злачынстваў, 7 з якіх раскрыты. Як і раней, найбольш распаўсюджанымі застаюцца крадзяжы маёмасці грамадзян.
Усё, што трапляецца пад руку…
…крадуць злодзеі. Як гэта найчасцей бывае, аб’ектамі іх зламысных намераў становяцца рэчы, якія знаходзяцца без нагляду гаспадароў. Шмат разоў учыняліся крадзяжы з дачных пабудоў у адсутнасць іх уладальнікаў. Вось і нядаўна каля в. Гута ў дачным доме бабруйчанкі невядомы ўзламаў дзверы і ўкраў газавы балон і садовы інструмент. А ў цяпліцы ў жыхаркі в. Вілы на прысядзібным участку хтосьці паквапіўся на агародніну.
Навучэнцу ліцэя №15 дужа захацелася мець такі ж МР-3 плеер, як у яго знаёмага, таксама ліцэіста. Ну, а самы лёгкі спосаб, на яго думку, — гэта ўкрасці. Што юны злодзей і зрабіў, калі жаданая рэч без нагляду знаходзілася ў адным з пакояў інтэрната…
Не абышлося і без “славутых” крадзяжоў веласіпедаў. Так, у кіраўчанкі прапала яе двуколавая машына, якая была пакінута каля аднаго з дамоў па вул. Першамайскай райцэнтра. Прыкладны перыяд учынення крадзяжу — з 23.00 па 00.30 гадзін. Не пакідайце свае рэчы без нагляду…
Яшчэ адзін крадзеж меў “п’яны” акцэнт. Рабочы УКП “Жылкамгас” бавіў час за бутэлькай у кампаніі жыхаркі вул. Юбілейнай райцэнтра. Выбраўшы зручны момант, калі гаспадыня не праявіла пільнасць, госць украў у яе 200 тыс. рублёў, а заадно прыхапіў бутэльку гарэлкі.
Садовы дэтэктыў
Прыцягненнем да крымінальнай адказнасці адразу па трох артыкулах Крымінальнага кодэксу завяршыўся ваяж у фруктовы сад СВК “Рассвет” імя К.П.Арлоўскага жыхара Валосавіч. Неяк уранні разам са сваім аднавяскоўцам ён накіраваўся сюды на аўтамашыне. Аб мэтах наведвання ў сад, дзе паспеў багаты ўраджай яблыкаў, няцяжка здагадацца. Парушальнікаў заўважылі работнікі сада і патрабавалі пакінуць яго тэрыторыю. Адпаведнай рэакцыі не паследавала. Да візіцёраў мусілі прымяніць сілу. Надта “пакрыўджаным” гэтымі абставінамі аказаўся адзін з іх. Праз непрацяглы час ён вярнуўся і стаў пагражаць начальніку вытворчага ўчастка забойствам або нанясеннем цяжкіх цялесных пашкоджанняў, прычым рабіў гэта з дапамогай пнеўматычнага пісталета, патрабуючы за “маральны ўрон” 200 долараў ЗША… Умяшаліся ў садовы дэтэктыў супрацоўнікі міліцыі. Пагроза забойствам і вымагальніцтва — гэта ўжо працяглы тэрмін турэмнага зняволення. А тут высветлілася, што кіраваў аўтамашынай зламыснік у стане алкагольнага ап’янення, прычым гэта яго паўторнае парушэнне на працягу года і, адпаведна, яшчэ адна крымінальная справа…
Уладзімір СЦЯПАНЧАНКА,
начальнік штаба РАУС.

Колькі вяровачцы ні віцца…
Любое злачынства не застаецца незаўважаным, і рана ці позна, як паказвае практыка, пакаранне за ўчыненае напаткае вінаватага. Група маладых лю-дзей, а, дакладней, трое непаўналетніх кіраўчан, “спецыялізаваліся” на крадзяжах з аўтамашын. Злодзеям некалькі разоў шанцавала здзейсніць свае задумы. Толькі адна са спроб ўсё ж аказалася апошняй. Нядаўна хлопцы былі затрыманы ў Бабруйску. У ходзе расследавання “ўсплыў” цэлы шэраг фактаў крадзяжоў, учыненых імі яшчэ і ў Кіраўску, а таксама захоўвання ўкрадзеных матэрыяльных каштоўнасцей. Канцоўка “гастроляў” маладых людзей для іх акажацца невясёлай: ім пагражае пазбаўленне волі тэрмінам ад 2 да 5 гадоў.
Абакралі будаўнічы аб’ект
Набіраюць ход будаўнічыя работы на месцы будучага мікрараёна “Заходні” па вул.Церашковай. Паралельна знаходзяцца і нячыстыя на руку грамадзяне, якія жадаюць здабыць задарма будаўнічыя матэрыялы. У жніўні з новабудоўлі было ўкрадзена 5 поліэтыленавых труб, прызначаных для водазабеспячэння, на агульную суму звыш 1,6 мнл.руб. Райаддзел міліцыі просіць тых, каму што-небудзь вядома па гэтым факце, аказаць дапамогу ў раскрыцці злачынства.
Пасля чаркі
на скутэр не садзіся!..
Якімі б жорсткімі ні былі меры супраць тых, хто са-дзіцца за руль пасля прынятай чаркі спіртнога, а такія ўсё ж знаходзяцца. А хтосьці становіцца на адны граблі паўторна. Толькі ў жніўні супрацоўнікамі ДАІ РАУС было затрымана 15 вадзіцеляў, якія былі за рулём “падшафэ”, шасцёра з іх — папаліся паўторна. Некаторыя ўдзельнікі дарожнага руху лічаць, што калі ехаць на скутэры, то можна дазволіць сабе прапусціць чарачку-другую. Як бы не так! Скутэр — таксама транспартны сродак. Да слова, у мінулым месяцы чацвёра з затрыманых вадзіцеляў скутэраў былі ў нецвярозым стане, двое з іх парушылі правіла цвярозасці за рулём не ўпершыню.
П’янка завяршылася
панажоўшчынай
Чарка і адэкватныя паводзіны — паняцці слаба сумя-шчальныя. Натварыць п’яны чалавек можа шмат чаго, а потым будзе шкадаваць. Сумны фінал атрымала застолле са спіртным у сацыяльна няўдачнай сям’і, пражываючай па вул.Гагарына райцэнтра. Пасля сумеснай выпіўкі пасварыліся дзядзька, які раней быў судзімы, з пляменнікам. Да таго дайшла справа, што старэйшы не знайшоў славесных аргументаў, каб даказаць сваю правату, і нанёс апаненту нажавое пранікаючае раненне. Цяпер давядзецца шкадаваць, бо нанясенне цяжкіх цялесных пашкоджанняў “цягне” ажно да 8 год турмы.
Усё, што трапляе пад руку…
Самым распаўсюджаным злачынствам у жніўні заставаліся крадзяжы. Што толькі не трапляе пад руку злодзеяў! З аўтамашыны МАЗ, якая знаходзілася на аўтастаянцы недалёка ад в.Падрэчча, зламыснікі злілі 170 л дызпаліва і ўкралі 95 кг свежамарожанай рыбы. У Мышкавічах з гаража рабочага СВК “Рассвет” імя К.П.Арлоўскага знікла аўтамагнітола. Такая ж рэч была ўкрадзена з аўтамашыны жыхара райцэнтра, якая знаходзілася каля дома па вул.Гагарына. У в.Лешчанка непрацуючы і раней ужо судзімы мясцовы жыхар украў у аднавяскоўкі-пенсіянеркі трох гусей. Навучэнец Жыліцкага сельгаскаледжа ўчыніў угон матацыкла ў жыхара в. Вялікая Крушынаўка Гомельскай вобласці, а непрацуючы жыхар в.Хімарадзь — веласіпеда, які знаходзіўся ў фае райбальніцы і належаў адной з тутэйшых работніц.
Уладзімір СЦЯПАНЧАНКА,
начальнік штаба РАУС.

У барацьбе
з “зялёным змеем”
Згодна змяненняў, унесеных у Кодэкс Рэспублікі Беларусь аб адміністрацыйных правапарушэннях, зараз за выраб моцных алкагольных напіткаў (самагону), паўфабрыкатаў для іх вырабу (брагі), а таксама захоўванне апаратаў для вырабаў алкагольных напіткаў грамадзяне могуць быць папярэджаны альбо аштрафаваны з канфіскацыяй вышэй адзначанага. За тыя ж дзеянні, учыненыя паўторна напрацягу года, або захоўванне самагону ці брагі прадугледжаны штраф у памеры ад 5 да 30 базавых велічынь з канфіскацыяй.
Аднак некаторых жыхароў раёна зусім не пужае рызыка атрымаць адміністрацыйнае пакаранне і штрафы. Так, у перыяд з 23 чэрвеня па 1 ліпеня супрацоўнікамі райаддзела ўнутраных спраў затрыманы 3 чалавекі, якія мелі пры сабе самагон. У доме адной з жыхарак райцэнтра міліцыянеры выявілі і канфіскавалі 0,5 літра самаробнага спіртнога. 250 літраў “нічыйнай” самагоннай брагі праваахоўнікі знайшлі ў лясным масіве побач з в.Суянец.
Крадуць
мабільныя тэлефоны…
Па-ранейшаму аб’ектам крадзяжоў, а менавіта яны складаюць асноўную частку злачынстваў, учыняемых на тэрыторыі раёна, з’яўляюцца мабільныя тэлефоны. Так, напрыканцы чэрвеня з аднаго з пакояў інтэрната Жыліцкага сельскагаспадарчага каледжа знік мабільнік, належачы навучэнцу ўстановы. У ходзе аператыўна-вышуковых мерапрыемстваў супрацоўнікі РАУС устанавілі, што тэлефон “прыхапіў” 16-гадовы навучэнец гэтага ж каледжа. Як потым высветлілася, юны злачынца спакусіўся яшчэ на адзін мабільнік. Украў яго шляхам свабоднага доступу з домаўладання адной з жыхарак а/г Добасна.
А вось 28-гадовы кіраўчанін вырашыў, як гаворыцца, адным стрэлам забіць двух зайцоў: у адным з дамоў райцэнтра ўкраў два мабільнікі адразу ды яшчэ і асабістыя рэчы гаспадара прыхапіў. Дарэчы, вопыт у злодзея ўжо меўся: раней асуджваўся за крадзяжы.
…веласіпеды…
Як заўжды ў аператыўных зводках выпадкі прапажы веласіпедаў. За вышэй адзначаны перыяд узбуджана тры крымінальныя справы па фактах крадзяжоў гэтага найбольш распаўсюджанага ў нашым раёне транспартнага сродку. У чэрвені веласіпед “увялі” у жыхаркі а/г Мышкавічы. Ахвярай веласіпедакрада стала і кіраўчанка. Яе транспартным сродкам вырашыў скарыстацца навучэнец ліцэя №15, раней ужо судзімы за крадзеж. Юнак украў веласіпед з хлева пенсіянеркі, падабраўшы ключ.
…і прадукты харчавання
Да крадзяжоў мабільнікаў і веласіпедаў у апошні час далучыліся крадзяжы прадуктаў харчавання. Так, у райаддзел унутраных спраў звярнулася бабруйчанка з заявай, што ў чэрвені з яе дачнага доміка ў в.Стаўпішчы невядомыя асобы, узламаўшы замок, выкралі прадукты харчавання і асабістыя рэчы.
Па фактах крадзяжоў прадуктаў харчавання з дома-ўладанняў, размешчаных на тэрыторыі раёна, у чэрвені — ліпені бягучага года ўзбуджана яшчэ некалькі крымінальных спраў.
Падрыхтавана па дадзеных
групы інфармацыйнага забеспячэння РАУС.