Заўтра ў г.Мсціслаўлі пройдзе абласны фестываль-кірмаш працаўнікоў вёскі “Дажынкі-2016” — свята заканчэння жніва, якое заўсёды звязана з пачуццём гонару за любімую краіну, родны край. На свята збяруцца дэлегацыі з усіх рэгіёнаў Магілёўшчыны, ганаровыя госці.

Мсціслаўскі край сустрэне ўдзельнікаў мерапрыемства гасцінна, ветліва і прыгожа — для гэтага пастара-ліся ўсе жыхары раёна: паўсюдна навялі чысціню і парадак, прывялі ў належны стан сацыяльна-культурныя і вытворчыя аб’екты, жыллё, дарогі.

Да свята падрыхтавана насычаная і цікавая праграма.
Сёлета працаўнікі аграрнага сектара вобласці прыклалі ўсе намаганні, каб на галоўным свяце хлебаробаў ім было чым ганарыцца. Ва ўрачыстай атмасферы будуць ушанаваны лепшыя з лепшых за стараннасць, працавітасць, любоў да роднай зямлі.
У састаў дэлегацыі Кіраўшчыны ўвайшлі кіраўніцтва раёна і сельскагаспадарчых арганізацый, ветэраны працы, лідары раённых спаборніцтваў на ўборцы ўраджаю-2016 і іншых палявых работах.