СВК «Рассвет» імя К.П.Арлоўскага — буйнейшая гаспадарка ў раёне.
Ключавое значэнне ў яе сельскагаспадарчай дзейнасці маюць жывёлагадоўля і раслінаводчая галіна.
Аб цяперашніх клопатах працаўнікоў сельгаскааператыва карэспандэнту “раёнкі” расказаў намеснік старшыні “Рассвета” па жывёлагадоўлі Аляксандр Сухадольскі:

— Адна з асноўных задач раслінаводчай галіны гаспадаркі — стварэнне трывалай кармавой базы для дасягнення добрых вынікаў у вытворчасці малака і мяса.
На дадзеным этапе надаем ўвагу нарыхтоўцы кармоў пад поўную патрэбу для грамадскага статка і забеспячэння загрузкі магутнасцей біягазавай устаноўкі. Актыўна працуем над тым, каб нарыхтаваць кармы з запасам на будучае лета і адысці ад практыкі стопрацэнтнага выкарыстання “зялёнкі” для падкормкі жывёлы. А ўвогуле ж, у планах — перайсці на кармленне БРЖ канцэнтраванымі кармамі, гэта дазволіць больш дэталёва падыходзіць да кантролю за якасцю рацыёна жывёлы.
Штодня на падкормку БРЖ ідзе каля 370 т зялёнай масы, з пачатку “зялёнага жніва” на гэтыя мэты выкарысталі каля 15 тыс. т траў.
Корманарыхтоўчая кампанія ў самым разгары: мы ўжо маем 13 тыс. т сенажу са шматгадовых траў і 7 тыс. т — з аднагадовых і непрадуктыўных збожжавых. Усяго плануем назапасіць не менш 25 тыс. т сянажнай масы.
Больш за 500 т кармоў нарыхтавалі з прымяненнем сучасных тэхналогій: запрэсавалі ў плёнку. Гэтыя высока-якасныя кармы будзем выкарыстоўваць для навацельнай жывёлы.
Значную стаўку ў нарыхтоўцы кармоў робім на кукурузу. “Каралева палёў” у сельгас-кааператыве займае плошчу ў 3330 га. Для патрэб жывёлагадоўчай галіны нам неабходна 35 тыс. т сіласу, яшчэ 30 тыс. т — для біягазавай устаноўкі. Частка кукурузы пойдзе на зерне, якое ў далейшым будзем выкарыстоўваць пры прыгатаванні камбікармоў уласнай вытворчасці.
Для забеспячэння бесперапыннага “зялёнага канвеера” пасеялі 700 га аднагадовых траў. Зернебабовыя сумесі з ячменю, аўсу і пялюшкі будзем убіраць на зерне, якое стане незаменным кампанентам у камбікармах.
З-за неспрыяльных пагодных умоў мінулай зімы частка збожжавых не адпавядае неабходным тэхналагічным кандыцыям, таму яны скашваюцца і выкарыстоўваюцца для закладкі зернесенажу, а вызваленыя палеткі перасяваюцца аднагадовымі травамі: просам, суданскай травой і інш.
На МТФ “Кірава” з агульных 7 траншэй на дадзены момант сянаж закладзены ў 4. У мінулым засушлівым годзе на зімоўку тут ўсяго было запоўнена кармамі толькі 4 ямы. Наперадзе яшчэ нарыхтоўка сіласу. Усё гэта дае спадзяванне на сытны прадстаячы зімова-стойлавы перыяд утрымання грамадскага статка.
Асаблівую ўвагу надаем развіццю жывёлагадоўлі. Гэтая галіна з’яўляецца да-мінуючай у экана-мічнай дзейнасці нашай гаспадаркі, бо пры ўмелым гаспадаранні дае прадукцыю круглы год.
Агульнае пагалоўе БРЖ складае 8750 галоў, з якіх 2200 — дойны статак. Планамерная работа па мадэрнізацыі маючагася абсталявання і памяшканняў ферм, раскрыццё генетычнага патэнцыялу жывёлы, належны догляд і клопат пра яе здароўе, арганізацыя правільнага кармлення даюць добрыя вынікі: зараз сярэднесутачны валавы надой складае 41 т, ад кожнай каровы штодзённа атрымліваем па 18 л малака. Працуем над тым, каб атрымліваць толькі якасную прадукцыю. З гэтай мэтай узяліся за рэканструкцыю маючыхся памяшканняў на МТК “Валосавічы”. Першая чарга ўжо ўведзена ў строй дзеючых, пасля ўвядзення другой часткі з’явіцца магчымасць павялічыць пагалоўе дойнага статка дзесьці на 120 галоў. А гэта дадаткова каля 2 т малака штодзённа.
За 5 месяцаў бягучага года рэнтабельнасць малака склала 32%. Затраты на 1 ц вытворчасці малака — 0,7 к. адз., пры нарматыве 1,0 к. адз, мяса — 7 к. адз. пры норме ў 10 к. адз. Значную стаўку ў рабоце робім на зніжэнне затрат і энергазберажэнне, а таксама на павелічэнне аддачы ад палеткаў і ферм.
Неблагую эканомію маем пры ажыццяўленні самастойнага абслугоўвання ўсіх маючыхся на МТК і МТФ 6 даільных залаў. Для гэтых мэт стварылі звяно наладчыкаў з ліку вопытных спецыялістаў: старшага інжынера па абслугоўванні Аляксея Хахлова і інжынера Васіля Гузава. Своечасовае правядзенне работ па замене расходных матэрыялаў дазваляе нам эксплуатаваць даільныя ўстаноўкі без значных паломак і прастояў.
Пры ўтрыманні кароў наладзілі абавязковы выпас жывёлы. На кругласутачнай пасьбе знаходзяцца глыбокасцельныя каровы. Арганізаваны выпас навацельнай і сухастойнай жывёлы з асноўным рацыёнам кармлення на кармавых сталах.
Зараз працуем над змяненнем тэхналогіі ўтрымання цялят. Праводзяцца работы па будаўніцтве памяшканняў на МТФ “Кірава”, дзе маладняк будзе ўтрымлівацца ў індывідуальных клетках. Гэта дазволіць не толькі павысіць захаванасць цялят, а і атрымліваць здаровы высокапрадуктыўны статак у будучым. Дасканала наладжаны працэс утрымання рамотнага маладняку БРЖ, які ўтрымліваецца на таварнай ферме “Цяса”.
Аднак, не толькі сучаснае абсталяванне і тэхналогіі дапамагаюць калектыву развіваць жывёлагадоўчую галіну. Немалаважны ўклад, несумненна, уносяць спецыялісты і работнікі нашага сельгаскааператыва, сярод якіх — цялятніцы, аператары машыннага даення, даглядчыкі жывёлы, вет- і зааспецыялісты, усе яны ствараюць дружны зладжаны калектыў, дзе нават цяжка выдзеліць кагосьці асобна.
Зараз галоўная задача “Рассвета” — не толькі замацаваць дасягненні, але і пераўзысці атрыманыя вынікі, а гэта значыць толькі адно — працаваць калектыву давядзецца яшчэ больш эфектыўна і з поўнай самааддачай.
Размаўляла
Людміла СЯМЁНАВА.