Напярэдадні навагодніх святаў інваліды па зроку атрымалі падарункі — радыёпрыёмнікі ад раённай арганізацыі ГА “Белая Русь”, каб пажылыя людзі мелі магчымасць быць у курсе падзей, якія адбываюцца ў нашай краіне, а таксама маглі пераключыцца на любую хвалю і паслухаць музыку, іншую перадачу.
Такія падарункі атрымалі кіраўчане З.П.Сіневіч і Н.В.Міхалап, Н.Р.Русецкая з в.Ала, В.П.Камінскі з Ахоціч і І.Е.Курлянчык з Полькавіч. Іх на даму наведалі старшыня раённай арганізацыі Васіль Маркевіч, супрацоўнікі РЦСАН Маргарыта Гіраеўская і Маргарыта Шамедзька.
Госці павіншавалі пажылых людзей з надыходзячымі святамі, пажадалі ім здароўя, сямейнага дабрабыту, цеплыні і ўвагі акружаючых іх людзей. Таксама расказалі, як карыстацца радыёпрыёмнікамі.
На здымку: старшыня раённай арганізацыі РГА “Белая Русь” Васіль Маркевіч уручае падарунак кіраўчанцы Зоі Пятроўне Сіневіч.