Падзячныя пісьмы жывёлаводам раёна ўручыў галоўны спецыяліст па сацыяльна-эканамічных пытаннях Рэспубліканскага камітэта прафсаюза работнікаў АПК Віталь Лісіцкі
З прыемнай місіяй прыбыў у мінулую сераду ў раён галоўны спецыяліст па сацыяльна-эканамічных пытаннях Рэспубліканскага камітэта прафсаюза работнікаў АПК Віталь Лісіцкі: у межах праводзімай прафсаюзам акцыі “Наш жывёлавод” ён уручыў аператару машыннага даення МТК “Валосавічы” СВК “Рассвет” імя К.П.Арлоўскага Таццяне Недасекінай і галоўнаму заатэхніку КСУП “Барчыцы-агра” Марыі Лысянковай Падзячныя пісьмы за самаадданую, плённую, адказную працу, вернасць выбранай прафесіі, падпісаныя міністрам сельскай гаспадаркі і харчавання Л.К.Зайцам і старшынёй Рэспубліканскага камітэта прафсаюза работнікаў АПК М.А.Лабушавым. Руплівыя працаўніцы атрымалі таксама падарункі.
Як адзначыў Віталь Лісіцкі, круглагадовая акцыя “Наш жывёлавод”, ініцыяваная Рэспубліканскім камітэтам прафсаюза работнікаў АПК, заклікана надаць увагу лепшым прадстаўнікам жывёлагадоўчай галіны рэгіёнаў краіны: доля гэтай галіны ў аб’ёме даходаў сельгасарганізацый вельмі важкая. Таму і радавыя працаўнікі, і спецыялісты дастойныя самага высокага ўшанавання.
У працэсе наведвання жывёлагадоўчых аб’ектаў вялася размова са спецыялістамі аб тым, як наладжана вытворчасць прадукцыі, захаванні тэхналагічных патрабаванняў, адносінах работнікаў да справы, а таксама створаных для іх санітарна-бытавых умовах.
Фота Максіма МІКЕШЫНА.
