Згодна дадзеных райсельгасхарчу, па стане на ўчарашні дзень у раёне травы скошаны на 4462 га, што складае 38% ад плана, убраны — на 3292 га. Нарыхтавана 1495 т сена і 18510 т сенажу.
Перад працаўнікамі СВК “Калгас “Ніва” стаіць задача пад поўную патрэбу забяспечыць кармамі больш за 4000 галоў буйной рагатай жывёлы гаспадаркі, з якіх 1200 — дойны статак. З кожным годам пагалоўе грамадскага статка павялічваецца, а значыць, узрастае і патрэба ў кармах, прычым зразумела, якасных. Для таго, каб зімова-стойлавы перыяд прайшоў без збояў, ніваўцам неабходна нарыхтаваць 870 т сена, закласці 11395 т сенажу і 13240 т сіласу.
Зараз, пакуль дазваляе надвор’е, актыўнымі тэмпамі вядуцца работы па ўборцы траў першага ўкосу. З агульных 1300 га травы ўжо скошаны на 580 га, нарыхтавана 60 т сена, закладзена больш за 2900 т сенажу.

Належным чынам клапоцяцца ніваўцы і аб захаванасці нарыхтаваных кармоў: усе маючыеся ў гаспадарцы сянажныя траншэі былі загадзя прадэзінфікаваны, уладкаваны пад’язныя шляхі да іх. Закладка сенажу вядзецца пад строгім кантролем адказных спецыялістаў, што забяспечвае захаванасць усіх тэхналагічных патрабаванняў. Ямы невялікай умя-шчальнасці закрываюцца за 2-3 дні. У гэтым годзе запланавана закласці 15 сянажных траншэй.
Як адзначыў галоўны аграном гаспадаркі Аляксей Семашкевіч, частка сена і сенажу захоўваецца з прымяненнем сучасных тэхналогій, для чаго выкарыстоўваецца шматфункцыянальны нямецкі прэс-падборшчык, які абгортвае кармы ў спецыяльную плёнку. Па словах спецыяліста, ад выкарыстання такой тэхналогіі толькі “плюсы”: кармы доўгі час не губляюць сваіх спажыўных якасцей, у іх захоўваюцца ўсе карысныя рэчывы.
Корманарыхтоўчыя работы ў “Ніве” арганізаваны як дасканала нала-джаны канвеер: механізатары Васіль Белаглазаў, Васіль Лебедзеў і Сяргея Ярыгін косяць травы, не дапускаючы іх пераспявання, правяляныя духмяныя валкі на кормаўборачный тэхніцы здрабняюць Сяргей Лебедзеў, Міхаіл Рымараў, Уладзімір Лукановіч. Хутка дастаўляюць зялёнку ў сянажныя траншэі Юрый Лютарэвіч, Уладзімір Ермалаеў, Іван Скрыпуноў, Алег Стэльмакоў і іншыя. Трамбоўка сянажных траншэй вядзецца ў кругласутачным рытме. На гэтых работах задзейнічаны Аляксандр Масюковіч і Дзмітрый Прэнз. На прэсаванні сена шчыруе Сяргей Гушчын. Ладзяцца справы ў механізатара Уладзіміра Еўдакімава, які працуе на зграбанні скошанай расліннасці.
Сёлета ніваўцы плануюць назапасіць сена столькі, каб хапіла і грамадскаму статку, і хатняй жывёле насельніцтва: яно выдзяляецца грамадзянам, якія здаюць сваіх цялят у гаспадарку.
Па словах галоўнага агранома, леташняя спякота прымусіла перагледзець падыходы да корманарыхтоўкі. На дадзеным этапе работы вядуцца на тых участках, якія найбольш хутка губляюць вільгаць з глебы, каб не дапусціць перасыхання траў.
Работа на кармавых палетках кіпіць увесь светлавы дзень. Даражаць ніваўцы кожнай пагоднай хвілінай. У мэтах эканоміі часу харчаванне механізатараў ажыццяўляецца прама з дастаўкай да месца працы. Арганізавана работа рамонтнага звяна, якое прама на палетках ухіляе ўзнікаючыя няспраўнасці тэхнікі. Паклапацілася кіраўніцтва гаспадаркі аб забеспячэнні ўдзельнікаў кормаўборачнай кампаніі належнымі бытавымі ўмовамі, на кантролі — пытанні аховы працы. Добрым стымулам для падтрымання высокага тэмпу і якасці работ сталі распрацаваныя ўмовы працоўнага спаборніцтва на нарыхтоўцы кармоў, аплаты працы і прэміявання.
Дзякуючы добра арганізаванай, зладжанай рабоце працаўнікоў гаспадаркі з кожным днём тэмпы нарыхтоўкі кармоў нарастаюць…
Людміла СЯМЁНАВА.
Фота
Максіма МІКЕШЫНА.