Плотавыя кантрасты
Думаецца, усім бачна, як уплывае на агульную карціну добраўпарадкаванасці любой вуліцы стан платоў і агародж. Многія жыхары стараюцца зрабіць іх прыгожымі, дыхтоўнымі.
У свой час па вуліцах Пушкінскай, Гагарына, Арлоўскага за дзяржаўны кошт былі ўзведзены і пафарбаваны платы, якія ўпрыгожылі нашы цэнтральныя вуліцы, з’яўляючыеся, па сутнасці, візітнымі карткамі горада. Зразумела, што з цягам часу плот трэба раўняць, фарбаваць, і гэта ўжо клопат гаспадароў падвор’яў, балазе, што ён дастаўся ім бясплатна. Многія беражліва ставіліся і ставяцца да платоў, стараюцца, каб яны выглядалі належным чынам. Але некаторыя жыхары практычна не звяртаюць на агароджу ўвагі: нахілілася — ну і няхяй, аблезла фарба — і так сыйдзе. Толькі не сыйдзе, улічваючы агульныя намаганні па добраўпарадкаванні горада. Як адзначыў начальнік аддзела жыллёва-камунальнай гаспадаркі райвыканкама І.М.Бяржанін, жыхарам вуліц, дзе ўстаноўлены платы, было выпісана больш 50-ці прадпісанняў аб неабходнасці прывесці іх у належны стан, пафарбаваць. Але не ўсе паспяшаліся гэта зрабіць. Пытанне стаіць на кантролі, і прадпісанне трэба будзе абавязкова выканаць.