Пад такім дэвізам сёлета шчыруюць юнакі і дзяўчаты ў саставе студэнцкіх атрадаў. Першы сакратар раённага камітэта ГА “БРСМ” Алена ОСІПАВА расказала, як прахо­дзіць на Кіраўшчыне працоўны семестр-2020:

– Старт трэцяму працоўнаму семестру, дэвіз якога “Працуем разам!”, быў дадзены ў Дзень моладзі. Прысвечаны семестр 75-годдзю Вялікай Перамогі.
На Магілёўшчыне працаўладакавана амаль 3 тысячы рабят, з іх некалькі дзясяткаў – юнакі і дзяўчаты з Кіраўшчыны.
Сёння маладыя людзі, іх энергія і актыўная жыццёвая пазіцыя патрэбны ўсюды: і ў сельскай гаспадарцы, і на будаўніцтве, і ў прыватнай вытворчасці, і ў галіне абслугоўвання. Напрыклад, у нашым раёне зараз шчыруюць 6 студатрадаў, у саставе якіх 75 байцоў. У ААТ “Рассвет імя К.П.Арлоўскага” 15 удзельнікаў будаўнічага атрада з ліку навучэнцаў Жыліцкага сельгаскаледжа збіваюць драўляныя скрыні для нарыхтоўкі сельгас­прадукцыі. У КСУП “Чырвоны баец”, “Барчыцы-агра”, “Ніва-Барсукі” дзейнічаюць сельскагаспадарчыя атрады, байцы якіх – рабяты з Жыліцкага сельгаскаледжа, Паўлавіцкай і Барчыцкай школ – заняты на сельскагаспадарчых работах.

15 юнакоў і дзяўчат з ліку выпускнікоў СШ №1 і СШ №2 імя К.П.Арлоўскага райцэнтра працаўладкаваны у ЗТАА “Кіраўскі харчовы камбінат”. У іх абавязках – падрыхтоўка харчовай сыравіны і матэрыялаў.
Яшчэ 10 маладых людзей заняты на сартаванні і ўкладцы лісічак на прыватным прадпрыемстве “Детван”.
Адзначу, што рабяты, якія сёлета сталі байцамі студ­атрадаў, адказна ставяцца да выканання ўскладзеных на іх абавязкаў. Усе стараюцца працаваць з максімальнай аддачай, гэта радуе.
Арганізацыі і прадпрыемствы, на базе якіх працуюць юнакі і дзяўчаты, прадастаўляюць ім спецвопратку, пры неабходнасці – транспарт для дастаўкі, па магчымасці – харчаванне.
Згодна працоўнага заканадаўства, школьнікі ва ўзросце да 16-ці год працуюць па 4 га­дзіны ў суткі, а тыя, каму больш за 16, – па 7 гадзін.
Жыццё байцоў атрадаў насычанае і цікавае. А, самае галоўнае, што рабяты вучацца адказна і добрасумленна працаваць у камандзе – у гэтым і ёсць асноўная задача студ­атрадаўскага руху.
Працаўладкаванне мола­дзі падчас канікулаў – адзін з прыярытэтных накірункаў ГА “БРСМ”. У Беларусі студ­атрадаўскі рух падтрымліваецца дзяржавай на пастаяннай аснове. Гэта дазволіла пашырыць магчымасці маладых людзей, якія жадаюць зарабіць і атрымаць вопыт студатрадаўскага братэрства.
Падрыхтавала Яўгенія БЯЛЬКО.
Фота Максіма МІКЕШЫНА.