3 красавіка ў Кіраўскай цэнтральнай бібліятэцы пройдзе сустрэча вучняў старэйшых класаў гарадскіх школ Кіраўска з пісьменнікам-земляком Алесем Казекам, старшынёй Магілёўскага абласнога аддзялення грамадскага аб’яднання «Саюз пісьменнікаў Беларусі».

Сустрэча пройдзе ў фармаце “20 пытанняў пісьменніку”.

Алесь Казека – ураджэнец вёскі Новы Юзін нашага раёна. Потым разам з сям’ёй пераехаў у вёску Чачэвічы Быхаўскага раёна. Пасля школы вучыўся ў Арлоўскім вышэйшым ваенным вучылішчы сувязі. Служыў, пасля выхаду ў запас працаваў настаўнікам у вёсцы Чачэвічы, потым – у Магілёўскай абласной філармоніі.

Піша на беларускай і рускай мовах. Аўтар зборнікаў вершаў «Перекрёстки судеб», «Души моей родник», «Мелодия надежды», «Единственный друг», «Час сяўбы», паэм «Медуніца», «Марыйка» і іншых.

У вучняў будзе аб чым запытацца ў такога чалавека, а Аляксандру Мікалаевічу будзе што расказаць дзецям…

Пачатак сустрэчы: у 11.00.