У падарунак школьнікам — лыжныя камплекты

У любое надвор’е на стадыёне Мышкавіцкай СШ людна: школьнікі з задавальненнем катаюцца на лыжах. У гэтай навучальнай установе здароваму ладу жыцця вучняў надаюць значную ўвагу. Некаторыя выпускнікі школы звязалі свой далейшы жыццёвы лёс менавіта са спортам.
Варта адзначыць, што адным урокам фізкультуры рабяты не абмяжоўваюцца, многія застаюцца пасля заняткаў, каб яшчэ пракаціцца на лыжах. Але за працяглы час выкарыстання спартыўны інвентар прыйшоў у нягоднасць. Каб вырашыць гэтае пытанне, адміністрацыя Мышкавіцкай СШ звярнулася з просьбай аб дапамозе да сваіх шэфаў — СВК “Рассвет” імя К.П.Арлоўскага. І вось нядаўна ў рабят з’явіліся 15 сучасных лыжных камплектаў, каб яны маглі трэніравацца і рыхтавацца да спаборніцтваў.
Уручыла іх дырэктару Мышкавіцкай СШ Святлане Шчэрбіч намеснік старшыні па ідэалагічнай рабоце СВК “Рассвет” імя К.П.Арлоўскага Наталля Шапавалава  (на здымку). Яна параіла рабятам заўсёды весці здаровы лад жыцця і пажадала новых спартыўных перамог і дасягненняў.