Падведзены вынікі штогадовага агляду-конкурсу па добраўпарадкаванні машынных двароў і гатоўнасці рамонтна-абслугоўваючай базы сельгасарганізацый да работы ў зімовых умовах, падрыхтоўцы машынна-трактарнага парку да веснавых палявых работ 2019 года, а таксама пастаноўцы на захоўванне адпрацаваўшай сезон сельгастэхнікі.

Створаная камісія на чале з першым намеснікам старшыні райвыканкама — начальнікам упраўлення па сельскай гаспадарцы і харчаванні райвыканкама Аляксандрам Сухадольскім, у якую таксама ўвайшлі начальнік раённай інспекцыі, галоўны дзяржаўны інжынер-інспектар Дзяржтэхнагляду ўпраўлення райсельгасхарчу Мікалай Пархамовіч, начальнік аддзела інтэнсіфікацыі вытворчасці Дзмітрый Іваніцкі і галоўны спецыяліст па ахове працы райсельгасхарчу Ігар Акушэвіч разам з галоўнымі інжынерамі прадпрыемстваў і сельгасарганізацый раёна праверылі стан і добраўпарадкаванне мехдвароў, пастаноўку тэхнікі і збожжасушыльных комплексаў на зімовае захоўванне і іншае.
Пры падвядзенні вынікаў агляду-конкурсу ўлічваліся ўсе моманты гатоўнасці да прадстаячага зімовага перыяду. Першае месца прысуджана калектыву ААТ “Кіраўскае райаграпрамтэхзабеспячэнне” (летась ён быў трэцім), на другім месцы, дарэчы, як і ў мінулым годзе, — СГФ “Чыгірынка” РУП “Беларуснафта-Магілёўаблнафтапрадукт”, на трэцім — СВК “Бераснёўскі” ААТ “Упраўляючая кампанія холдынга “Бабруйскаграмаш”. Усе пераможцы будуць узганароджаны грашовымі прэміямі з раённага бюджэту.

(Больш падрабязна аб выніках агляду машынных двароў і гатоўнасці рамонтна-абслугоўваючай базы сельгасарганізацый да работы ў зімовых умовах, падрыхтоўцы машынна-трактарнага парку да веснавых палявых работ 2019 года, а таксама пастаноўцы на захоўванне адпрацаваўшай сезон сельгастэхнікі чытайце ў бліжэйшых нумарах раённай газеты).