Вызначаны пераможцы раённага спаборніцтва
У сённяшнім нумары раённай газеты (на 3-4-й старонках) надрукавана рашэнне райвыканкама №26-3 ад 6 лістапада 2015 г. “Аб выніках раённага спаборніцтва сярод сельскагаспадарчых арганізацый, фермерскіх гаспадарак, трактарыстаў-машыністаў за своечасовае і якаснае правядзенне веснавых-палявых работ, сяўбы азімых культур і ўздыму зябліва ў 2015 годзе”.
Пераможцы будуць ушанаваны на ўрачыстым мерапрыемстве, прысвечаным Дню работнікаў сельскай гаспадаркі і перапрацоўчай прамысловасці АПК 13 лістапада.
У ліку перадавых трактарыстаў-машыністаў — Раман Канавалаў з КСУП “Жылічы”. Ён старанна працуе на ўсіх участках падчас палявых работ, якія яму давярае кіраўніцтва сельгасарганізацыі. Дзякуючы добрасумленным і адказным адносінам да справы Раман Пятровіч карыстаецца заслужанай павагай сярод калег па цэху.
Выдатных вынікаў дабіўся сёлета Раман Канавалаў на сяўбе збожжавых і зернебабовых культур: на трактары “Атлес-946” з пасяўным агрэгатам “РАБЭ” выпрацаваў 1848 умоўных эталонных гектараў. Гэта дало магчымасць стаць пераможцам у раённым спаборніцтве сярод трактарыстаў- машыністаў за своечасовае і якаснае правядзенне сяўбы збожжавых і зернебабовых культур.