З днём нараджэння, родны раён! Сёння спаўняецца 81 год з дня ўтварэння Кіраўскага раёна
Кіраўскі раён, як адміністрацыйная адзінка, быў утвораны 12 лютага 1935 года. З таго часу і пачаўся працоўны і гераічны летапіс нашага краю, у які ўпісаны вехі развіцця: перыяд калектывізацыі, гады нямецка-фашысцкай акупацыі, час аднаўлення разбуранай народнай гаспадаркі пасля Вялікай Айчыннай вайны.
Мінулы год быў азнаменаваны важнымі падзеямі: арганізавана, на высокім узроўні прайшлі выбары
Прэзідэнта Рэспублікі Беларусь, споўнілася 70 гадоў Перамогі савецкага народа ў Вялікай Айчыннай вайне, насычана праведзены мерапрыемствы ў межах Года моладзі.
Кагорту нашых землякоў, чыя плённая праца, узорнае выкананне службовых абавязкаў, асабісты ўклад у дасягненне важкіх паказчыкаў у папярэднія гады была ўдастоена высокіх дзяржаўных узнагарод, летась папоўнілі трое нашых землякоў. Ордэнам Пашаны ўзнагароджана аператар машыннага даення СВК “Рассвет” імя К.П.Арлоўскага Валянціна Клімовіч, медалём “За працоўныя заслугі” — першы намеснік начальніка райсельгасхарчу Мікалай Пад’ялоўскі і старшыня СВК “Калгас “Ніва” Іван Рыняк.
Дзякуючы працавітасці, добрасумленнасці, адказнасці, таленту і мудрасці нашых землякоў на Кіраўшчыне з года ў год забяспечваецца трывалы фундамент для дасягнення новых рубяжоў. Вялікая ўвага надаецца стварэнню належных умоў для працы і пражывання, умацаванню дабрабыту жыхароў раёна.
Сёння Кіраўскі раён — гэта працвітаючы рэгіён з вялікім сельскагаспадарчым патэнцыялам і развітай сацыяльнай інфраструктурай, маляўнічым прыродным ландшафтам. Па шэрагу важкіх паказчыкаў у жывёлагадоўлі і раслінаводстве, іншых галінах вытворчасці мы неаднойчы займалі лідзіруючыя пазіцыі сярод раёнаў вобласці і рэспублікі, а ў ліку пераможцаў індывідуальных працоўных спаборніцтваў таксама нямала прадстаўнікоў Кіраўшчыны.
Сваімі выдатнымі рэзультатамі ў алімпіядах і спартыўных спаборніцтвах розных узроўняў праслаўляюць родны раён падрастаючае пакаленне, моладзь.
Кіраўшчына — наш агульны дом: тут жыць і працаваць нам, нашым нашчадкам на карысць працвітання роднага краю!