У мінулую пятніцу напярэдадні ўрачыстага сходу па падвядзенні вынікаў работы галін народнай гаспадаркі раёна за 2013 год адбылася знамянальная ўжо для бягучага года падзея — у галіне адукацыі — урачыстае адкрыццё пасля капітальнага рамонту харчблока і актавай залы  гімназіі г.Кіраўска.  Каб раздзяліць з педагогамі, вучнямі і бацькамі радасць ад гэтай падзеі, на ўрачыстасць прыбылі госці: кіраўнік спраў Магілёўскага аблвыканкама Рыгор Варонін, старшыня райвыканкама Уладзімір Піскіжаў, начальнік упраўлення адукацыі аблвыканкама Уладзімір Рыжкоў, кіраўнікі арганізацый раёна.

Вітаючы прысутных, старшыня райвыканкама Уладзімір Піскіжаў пад-крэсліў, што ў нашай краіне дзякуючы яе Кіраўніку А.Р.Лукашэнку, праяўляецца пастаянны клопат аб падрастаючым пакаленні, зацвярджаюцца і рэалізуюцца адпаведныя дзяржаўныя  праграмы, у тым ліку і праграма развіцця адукацыі.
У гэтым годзе пры падтрымцы абласнога выканаўчага камітэта раённая ўлада працягвае клапа-ціцца аб стварэнні належных умоў для нашых дзяцей, падкрэсліў старшыня райвыканкама. Рабятам з гімназіі  пашчасціла атрымаць вось такі падарунак у выглядзе сучаснага харчблока, абсталяванага па апошнім слове тэхнікі, і актавай залы: сюды накіравана        2 млрд. 360 млн. рублёў бюджэтных сродкаў. Гэта стала  завяршальным этапам  рэканструкцыі дадзенай установы адукацыі.
Многія з прысутных, адзначыў Уладзімір Піскіжаў, памятаюць, якой была школа 5 гадоў назад, а бацькі — і 40 гадоў таму. З цягам часу наспела патрэба прывесці яе ў належны стан. Таму апошнія чатыры гады дадзенай установе адукацыі была нададзена пільная ўвага. Усё пачыналася з замены ўваходных дзвярэй, рамонту месц агульнага карыстання, затым былі заменены дах над сталовай, харчблокам, спартыўнай залай, падлога ў службовых памяшканнях, даведзены да ладу вода- і цеплазабеспячэнне. Далей быў этап работы па замене вокнаў, дзякуючы чаму ў памяшканнях стала значна цяплей, і вось — харчблок і актавая зала. Старшыня райвыканкама выказаў спадзяванне, што ўсё, зробленае тут, будзе належным чынам ацэнена рабятамі і педагогамі, а павары, несумненна, пастараюцца радаваць іх смачнымі стравамі.
Уладзімір Піскіжаў даў станоўчую ацэнку таму, як беражліва ставяцца ў гімназіі да ўсяго, што тут зроблена, і таму ўсё знаходзіц-ца ў высокай ступені захаванасці, і пажадаў, каб гэтак было і далей.
Старшыня райвыканкама выказаў словы ўдзячнасці настаўнікам, бацькам за тое, што з разуменнем паставіліся да часовых нязручнасцей, звязаных з правя-дзеннем рамонтных работ. А будаўнічая арганізацыя пастаралася ў найкарацейшыя тэрміны іх завяршыць. Быў адзначаны і ўдзел бацькоўскай грамадскасці ў справе стварэння добрых умоў для навучання іх сыноў і дочак.
Уладзімір Рыжкоў у сваёй віншавальнай прамове падкрэсліў, што клопат выканаўчай улады аб сённяшніх вучнях — гэта клопат аб будучыні рэгіёна і пажадаў, каб гімназісты высока трымалі планку сваёй навучальнай установы, дабіваліся важкіх рэзультатаў у вучобе, паступалі па тых спецыяльнасцях, якія патрэбны ў раёне, і вярталіся на сваю малую радзіму, каб уносіць уклад у яе працвітанне.
Удзячныя словы ў адрас тых, хто кіраваў, каардынаваў, арганізоўваў работы па рэканструкцыі будынка гімназіі, прымаў актыўны ўдзел у іх, выказаў кіраўнік папячыцельскага савета Міхаіл Дрозд. І ўручыў ад папячыцельскага савета і бацькоўскай грамад-скасці падарунак у выглядзе аргтэхнікі. Аргтэхніку атрымала школа і ад раённай арганізацыі РГА “Белая Русь”, якую прадстаўляў яе старшыня Васіль Маркевіч, а ад райспажыўтаварыства — вялізны смачны торт!
Шчырыя словы падзякі ў адрас раённай улады і асабіста старшыні райвыканкама Уладзіміра Піскіжава за ўвагу, клопат  выказала дырэктар гімназіі Людміла Ісакава. І асабліва падкрэсліла, што калі ў нашай краіне такая ўвага надаецца дзецям, то ёй забяспечана устойлівая, квітнеючая будучыня.
Надышоў кульмінацыйны момант мера-прыемства — перад уваходам у новы харчблок была перарэзана чырвоная стужка, і госці, а потым усе жадаючыя змаглі зрабіць экскурсію па новых, выкананых і абсталяваных у сучасным стылі памяшканнях харчблока, і многіх, хто бачыў харчблок да рамонту,  вельмі ўразілі перамены ў яго абліччы. Асобныя агароднінны, гарачы, мяса-рыбны цэхі і іншыя памяшканні, новае абсталяванне, посуд, мэбля — усё гэта, безумоўна, будзе спрыяць прыгатаванню смачнай і здаровай ежы для рабят і педагогаў. А тое, што тут працуюць майстры сваёй справы, можна было адчуць, пакаштаваўшы гарачыя бліны.
Былі ў гэты дзень і музычныя падарункі:  вучні  чыталі вершы, спявалі, танцавалі, і ў прыгожа аформленай, атрымаўшай новае аблічча актавай зале панаваў святочны настрой!
Наталля ХАДАКОВА.