Суботняй раніцай, 3 мая, працоўныя калектывы раёна дружна выйшлі на добраўпарадкаванне і навядзенне парадку ў рамках традыцыйнага вясновага суботніка. Работнікі прадпрыемстваў, устаноў, арганізацый, дэпутаты, прадстаўнікі грамадскіх аб’яднанняў, моладзь згуртаваліся ў агульным парыве – падтрымаць парадак і чысціню на сваёй малой радзіме.

Пад кіраўніцтвам старшыні райвыканкама Галіны Слабоднікавай, чыя энергія перадавалася ўсім удзельнікам суботніка, былі арганізаваны маштабныя мерапрыемствы па азеляненні і добраўпарадкаванні тэрыторыі мемарыяльнага знака «Памяці спаленых вёсак Магілёўскай вобласці» ў Борках. Работнікі райвыканкама актыўна ўдзельнічалі ў пасадках маладых туй і лістоўніц, абнаўленні зялёных зон і алей на месцы, прысвечаным трагедыі часу Вялікай Айчыннай вайны. Маладыя дрэвы сімвалізуюць жыццё, адраджэнне і вечную падзяку нашым продкам.

Тэрыторыя гарадскога парка і заакутка ў Кіраўску добраўпарадковаўлася рукамі работнікаў аддзела адукацыі райвыканкама. А калектыў сектара культуры быў задзенічаны на прывядзенні ў парадак парка каля возера Селішча.

У сярэдняй школе №2 імя К.П.Арлоўскага добраўпарадкоўвалі тэрыторыю, праводзілі падрыхтоўчыя работы для пасадкі яблыневага сада ў гонар 80-годдзя Вялікай Перамогі работнікі Цэнтра па абслугоўванні бюджэтных арганізацый, УКП «Жылкамгас», Мышкавікага сельсавета і ўстановы адукацыі.
Адзінаццацікласніца Мілана Тарабуева адзначыла: «Мне вельмі прыемна, што ўдалося прыняць удзел у такіх работах. Сёлета мы з аднакласнікамі выпускаемся са школы. Мы пойдзем, а гэты яблыневы сад застанецца і будзе радаваць дзяцей і дарослых сваімі ладамі. Працавалі з цудоўным настроем, пад шчодрым майскім сонцам!».
Удзел у суботніках дае магчымасць кожнаму праяўляць актыўнасць, беражліва ставіцца да багацця прыроды, захоўваючы і памнажаючы яго прыгажосць дзеля будучых пакаленняў.
Разам мы робім Кіраўшчыну зеляней, утульней і прыгажэй!

Подробно в номере № 35 (10657).

Яўгенія БЯЛЬКО.
Фота аўтара і Галіны РУСЕЦКАЙ.