У Магілёўскай вобласці і нашым раёне працягваецца месячнік па навядзенні парадку і добраўпарадкаванні: праводзіцца восеньская ўборка тэрыторый населеных пунктаў і арганізацый усіх форм уласнасці і вытворчых аб’ектаў, вуліц, паркаў, зон адпачынку, прыдарожных тэрыторый, мемарыяльных комплексаў і месц баявой і воінскай славы, работа па ліквідацыі несанкцыянаваных звалак і іншыя.
Працягваюцца таксама работа па выяўленні пустуючых, аварыйных будынкаў і збудаванняў, распрацоўка мерапрыемстваў па ўцягненні іх у гаспадарчы абарот або зносу.
Адказнымі службамі забяспечаны кантроль за навядзеннем парадку і добраўпарадкаваннем.
На здымку: займаюцца ўборкай тэрыторыі сваёй установы адукацыі і навучэнцы філіяла “Кіраўскі прафесійны ліцэй” Жыліцкага сельгаскаледжа.
Учора прадстаўнікі філіяла таксама наводзілі парадак на замацаванай тэрыторыі — бярозавай алеі каля аўтадарогі Магілёў — Бабруйск.