На Кіраўшчыне працягваюцца асабістыя прыёмы грамадзян па пытаннях Дэктрэта №3

Працягваюцца асабістыя прыёмы грамадзян у райвыканкаме і сельвыканкамах па пытанні рэалізацыі Дэкрэта Прэзідэнта Рэспублікі Беларусь №3 “Аб папярэджванні сацыяльнага ўтрыманства”.
У райвыканкаме ў мінулую суботу “прамую тэлефонную лінію” і асабісты прыём грамадзян праводзіў першы намеснік старшыні райвыканкама Іван Барташэвіч. Да яго, а таксама намесніка старшыні райвыканкама Таццяны Русецкай, якая праводзіла асабісты прыём у Баравіцкім сельвыканкаме, звярнулася двое грамадзян па пытаннях працаўладкавання. Дадзены даручэнні ўпраўленню па працы, занятасці і сацыяльнай абароне райвыканкама вырашыць пытанні па іх працаўладкаванні.
У службу “адно акно” ў суботу звярнуліся два чалавекі, якія падалі дакументы для разгляду камісіі і вырашэння пытання аб вызваленні ад уплаты збору на фінансаванне дзяржаўных расходаў.
На “прамую тэлефонную лінію”, праводзімую ў райвыканкаме, звярнуўся жыхар раёна па пытанні арганізацыі збору другаснай сыравіны.
Графік-маршрут выезду перасовачнага пункта райспажыўтаварыства ў сельскія населеныя пункты будзе надрукаваны ў бліжэйшых нумарах “Кіраўца”.