Па выніках штогадовага раённага спаборніцтва за 2014 год пераможцам у дзвюх намінацыях выйшла ААТ “Кіраўскае райаграпрамтэхзабеспя-чэнне” : “За лепшыя вынікі вытворча-эканамічнай дзейнасці” і “За павелічэнне вытворчасці і нарыхтовак мяса”. На рахунку РАПТЗ і яго падраздзяленняў прызавыя месцы ў шэрагу іншых намінацый. Трое працаўнікоў удастоены звання “Лепшы па прафесіі”.

Райаграпрамтэхзабеспячэнне — шматгаліновае прадпрыемства, аднак асноўным накірункам яго дзейнасці з’яўляецца вытворчасць сельгас-прадукцыі. Стабільная і зладжаная работа калектыву дазваляе дасягаць добрых вытворчых паказчыкаў.
Па выніках работы за 2014 год тэмп росту вытворчасці валавой прадукцыі ў супараўнальных цэнах дасягнуў 59803 млн. рублёў (117,5% да ўзроўню 2013 года): у галіне раслінаводства — 119,2%, жывёлагадоўлі — 115,1%.
У мінулым годзе ў гаспадарцы сабралі небывалы ўраджай збожжавых і зернебабовых культур — 9130 т, што на 3471 т больш узроўню папярэдняга года, значнай была і ўраджайнасць — 47,3 ц/га. Парадавала земляробаў ураджайнасць цукровых буракоў (415 ц/га), іх было накапана 16902 т (+3993 т да 2013 года). Нядрэнны вынік даў рапс: валавы збор склаў 1336 т (+439 т) пры ўраджайнасці 32,5 ц/га.
Неблагіх вынікаў удалося дасягнуць і жывёлаводам РАПТЗ. Зараз на фермах сельгаспрад-прыемства ўтрымліваецца 3029 галоў буйной рагатай жывёлы, у тым ліку 900 кароў. У параўнанні з мінулым годам колькасць БРЖ павялічылася на 316 галоў.
Старанна папрацавалі жывёлаводы райагра-прамтэхзабеспячэння над павелічэннем вытворчасці мяса. У мінулым годзе імі атрымана 417 т, што на 34 т больш паказчыка 2013 года. За гэтымі лічбамі стаіць што-дзённая і карпатлівая праца аператараў па адкорму і дарошчванні БРЖ. З адказнасцю да сваіх абавязкаў ставяцца Віктар Русанаў, Алена Вангілеўская, Валянціна Таркан і Ларыса Комар.
Значная ўвага надаецца назапашванню дастатковай колькасці якасных кармоў, на нарыхтоўцы якіх плённа пашчыравала механізатарскае звяно сельгаспрадпрыемства, у саставе якога Аляксандр Тылінскі, Валянцін Сулімскі, Сяргей Чудапал, Уладзімір Грамыка і іншыя.
Немалаважны аспект — збалансаванасць кармоў. Рацыён кармлення складаецца з дапамогай камп’ютарных праграм, а дзякуючы выкарыстанню кормараздатчыкаў значна павысілася якасць кармлення жывёлы, палепшыліся ўмовы для працаўнікоў.
У мінулым годзе атрымана 1010 (+117) галоў пры-плоду: у хуткім часе гэта стане дадатковай крыніцай павелічэння вытворчасці малака і мяса.
На 827 т у параў-нанні з 2013 годам узрасла валавая вытворчасць малака, а надой ад каровы склаў 6657 кг, што на 428 кг больш, чым летась. Самых высокіх надояў ад кожнай сваёй рагулі дасягнула Жанна Кісель з МТФ “Пацава Сладаба” — 7617 кг. Выдатна спраў-ляюцца са сваімі абавязкамі апе-ратары машыннага даення Інга Булах, Святлана Кед, Анастасія Урупа, Вікторыя Кудзінава і інш.
Амаль 94% малочнай прадукцыі рэалізавана гатункам “экстра” і вышэйшым. Дасягаць такіх паказчыкаў дазваляюць захаванне аператарамі машыннага даення санітарных норм і тэхналагічных патрабаванняў да вытворчасці малака. Ад паставак сырадою на перапрацоўчае прадпрыемства атрымана 2775 млн. руб. прыбытку, што на 461 млн. больш паказчыка 2013 года. Высокімі застаюцца таварнасць і тлустасць малака.
Няблага паспрыяла павелічэнню вытворчасці малака ўвядзенне ў строй дзеючых МТК “Пацава Слабада”. Сучаснае абсталяванне, захаванне рацыёнаў кармлення і догляду кароў, своечасовы ветэрынарны кантроль за здароўем жывёлы і згуртаваны калектыў, якім кіруе Святлана Карпава, дазваляюць спа-дзявацца, што і ў далейшым жывёлаводы не здадуць сваіх лідзіруючых пазіцый.
У сціслыя тэрміны і на высокім агратэхнічным узроўні ў райаграпрамтэхзабеспячэнні была праведзена сяўба азімых збожжавых культур і рапсу, уздым зябліва. Засыпана дастатковая колькасць пасяўнога матэрыялу яравых збожжавых культур. Асаблівую ўвагу агратэхнічная служба надае барацьбе са шкоднай расліннасцю і захворваннямі сельгаскультур, што ў сваю чаргу дазволіць атрымаць добрыя ўраджаі. Аднымі з першых у раёне працаўнікі РАПТЗ падрыхтавалі пасяўную і глебаапрацоўчую тэхніку да правя-дзення вясенне-палявых работ.
Складнікаў у дасягненні высокіх вытворчых паказчыкаў вельмі многа, але галоўны фактар — людзі. У РАПТЗ кожны на сваім месцы працуе на высокі канчатковы вынік, ад якога залежыць эканамічны стан сельгаспрадпрыемства і дабрабыт сельгасвытворцаў.
Людміла СЯМЁНАВА.