Па ўзгадненні з Магілёўскім абласным выканаўчым камітэтам, згодна рашэння назіральнага савета ААТ «Дабаснянскае» з 23 жніўня 2018 г. дырэктарам ААТ «Дабаснянскае» абраны Аляксандр Уладзіміравіч ВЕРБІНАЎ.
Нарадзіўся А.У.Вербінаў у в.Жылічы ў 1961 годзе. У 1984 г. закончыў Беларускую дзяржаўную сельскагаспадарчую акадэмію па спецыяльнасці “механізацыя сельскай гаспадаркі”.
Працоўную дзейнасць пачаў у 1978 годзе ў якасці трактарыста Жыліцкага саўгаса-тэхнікума. З 1979 па 1984 г.г. навучаўся ў Беларускай сельгасакадэміі.
З 1984 г. працаваў інжынерам па механізацыі працаёмістых працэсаў у жывёлагадоўлі Жыліцкага саўгаса-тэхнікума. У 1987 — 1994 г.г. — галоўны інжынер калгаса “Камуніст” нашага раёна. У 1994 г.
назначаны старшынёй калгаса “Радзіма”. У перыяд з 2000 па 2005 г.г. — начальнік тэхнічнага кантролю, загадчык рамонтнымі майстэрнямі, намеснік дырэктара па сельскай гаспадарцы Кіраўскага райаграпрамтэхзабеспячэння. У 2005 г. А.У.Вербінаў працаваў на пасадзе дырэктара АСП ААТ “Бабруйскаграмаш” СВК “Бераснёўскі”. Пэўны час працаваў ва УКП “Жылкамгас” Бабруйскага раёна. З 2013 па 2016 г.г. з’яўляўся намеснікам дырэктара, дырэктарам ААТ “ПМК-97 Вадбуд” нашага раёна. У 2017 г. — галоўны інжынер УКП “Жылкамгас” Бабруйскага раёна.