У Кіраўскім райвыканкаме — новы начальнік аддзела арганізацыйна-кадравай работы
7 лютага 2018 года на пасаду начальніка аддзела арганізацыйна-кадравай работы раённага выканаўчага камітэта назначана Вераніка Сямёнаўна КАСЬМІНА.
Нарадзілася В.С.Касьміна ў г.Кіраўску ў 1981 годзе. У 2008 годзе закончыла Магілёўскі дзяржаўны ўніверсітэт імя А.А.Куляшова па спецыяльнасці “пачатковая адукацыя”.
Працоўную дзейнасць пачала ў 2000 годзе ў якасці настаўніка пачатковых класаў Паўлавіцкай СШ імя Р.А.Худалеева, пазней тут жа была сацыяльным педагогам. У 2004 годзе перайшла на работу сацыяльным педагогам у Мышкавіцкую СШ. З 2008 па 2010 гады была спецыялістам, затым начальнікам ідэалагічнага аддзела СВК “Рассвет” імя К.П.Арлоўскага. У 2010-2011 гадах працавала вядучым, затым галоўным спецыялістам аддзела ідэалагічнай работы Слаўгарадскага райвыканкама. З 2011 года назначана намеснікам старшыні камісіі па справах непаўналетніх Слаўгарадскага райвыканкама. З 2015 года В.С.Касьміна была намеснікам старшыні камісіі па справах непаўналетніх Кіраўскага райвыканкама.