Малады гаспадар з Кіраўска — у тройцы прызёраў!
У Магілёўскай вобласці ўпершыню прайшоў абласны конкурс “Малады гаспадар”. Месцам правядзення стаў Магілёўскі агралесатэхнічны каледж імя К.П.Арлоўскага. Аб гэтым паведаміў рэдактару інтэрнет-рэсурса рэдакцыі “Кіраўца” старшыня Кіраўскага райкама прафсаюза работнікаў АПК Віктар Ставер.
Удзельнікамі спаборніцтваў сталі 23 работнікі прадпрыемстваў сельскай гаспадаркі вобласці ад 18 да 35 гадоў — пераможцы раённых этапаў конкурсу.
Для выяўлення лепшага канкурсантам неабходна было прайсці некалькі этапаў: “Візітка”, “Курс маладога гаспадара”, “Спаборніцтвы інтэлектуалаў. Акрамя таго, удзельнікам трэба было паказаць творчае выступленне, на хуткасць памяняць кола аўтамашыны, забіць цвік, як мага больш падняць 16-кілаграмовую гіру і інш. Адным з адметных этапаў быў “Самоделкин”, падчас якога дэманстраваліся вырабы, зробленыя рукамі канкурсантаў.
Кампетэнтнае журы па сума набраных балаў вызначыла пераможцу і прызёраў. У лік прызёраў увайшоў прадстаўнік нашага раёна. Пераможца раённага этапа, выкладчык фізвыхавання і дапрызыўной падрыхтоўкі ліцэя №15 Алег Цітарэнка заняў ганаровае трэцяе месца!
Больш падрабязна чытайце ў бліжэйшых нумарах “Кіраўца”.