Іван РЫНЯК, дырэктар КСУП “Ніва-Барсукі”, дэпутат Кіраўскага раённага і Паўлавіцкага сельскага Саветаў дэпутатаў, узнагароджаны ордэнам Пашаны і медалём “За працоўныя заслугі”:
– Нічога ў жыцці не стаіць на месцы. Вопыт многіх краін паказвае, што Асноўны закон з цягам часу патрабуе перыядычнага ўдасканалення. Для сучаснай беларусі пытанне змянення Канстытуцыі – гэта таксама рэзультат эвалюцыйнага развіцця.
За апошнія некалькі дзесяцігоддзяў наша краіна дабілася многага. Нам ёсць чым ганарыцца. Таму мэтай канстытуцыйных змяненняў з’яўляецца замацаванне дасягненняў беларускай дзяржаўнасці, стварэнне ўмоў для далейшага руху краіны наперад. Палажэнні Канстытуцыі, якія існуюць, а таксама тыя, што прапанаваны па яе ўдасканаленні, не толькі вызначаюць накірункі далейшага развіцця дзяржавы на многія гады ўперад, але і закранаюць інтарэсы кожнага грамадзяніна.
Апублікаваны праект абноўленай Канстытуцыі накіраваны на замацаванне базавых прынцыпаў развіцця сучаснага беларускага грамадства.
Летась мне быў аказаны давер у якасці дэлегата прымаць удзел у рабоце VI Усебеларускага народнага сходу, дзе вызначаліся перспектывы развіцця нашай краіны. Тыя змяненні, якія плануецца ўнесці ў Канстытуцыю, поўнасцю адпавядаюць духу і нормам сённяшняга дня. Гэта, у сваю чаргу, наданне канстытуцыйнага статусу Усебеларускаму народнаму сходу, пераразмеркаванне паўнамоцтваў улады паміж рознымі галінамі. Гэта, лічу, моцны імпульс развіцця сістэмы дзяржаўнага кіравання.

ТЕГИ: #конституция #обсуждение #мнение #проект #референдум, #общественное обсуждение