Наш ваенна-патрыятычны клуб “Шчыт” працуе на базе раённага Цэнтра дадатковай адукацыі дзяцей і моладзі з верасня бягучага года. Сваёй задачай ставім умацаванне здароўя выхаванцаў на падставе заняткаў фізкультурай і спортам з выкарыстаннем як агульных, так і прымяняемых у рукапашным баі практыкаванняў, метадаў і сродкаў. Такім чынам імкнемся фарміраваць у дзяцей інтарэс да службы ў радах Узброеных Сіл Рэспублікі Беларусь, дзе яны змогуць спаўна праявіць сябе як мужчыны, праверыць свае сілы і навыкі, загартаваць характар.
Насычаная праграма работы клуба дазваляе выхаванцам выявіць у сабе лепшыя якасці: сілу духа, мужнасць, таварыскасць, фізічную падрыхтоўку. Рабяты атрымліваюць навыкі самаабароны, вядзення рукапашнага бою, спартыўнага кідання дроцікаў і нажа, стральбы з пнеўматычнай зброі, умення арыентавацца на перасечанай мясцовасі і г.д. А найлепшы спосаб праверкі за-сваення ведаў і навыкаў — спаборніцтвы.
І вось у пачатку лістапада ў нас адбыліся першыя клубныя спаборніцтвы па кіданні дроцікаў і стральбе “Снайпер — восень 2011”. Удзел у іх прынялі навучэнцы гімназіі г.Кіраўска, СШ №1 і ліцэя №15. Усе ўдзельнікі былі падзелены на дзве ўзроставыя групы: да 2000 года нараджэння і маладзей.
Найбольшы інтарэс у рабят выклікалі спабор-ніцтвы па стральбе, якія праводзіліся з палажэння стоячы, з калена і лежачы. Дроцікі ў мішэнь кідалі з 4-х, 3-х і 2-х метраў. Па суме набраных у двух відах спаборніцтваў балах выявілі пераможцаў. Імі сталі: у першай узроставай групе — Павел Астаповіч з СШ№1, Раман Прыгажаеў з гімназіі і Яраслаў Гунаеў з СШ№1, у другой групе — Кірыл Падаляк з СШ№1, Дзмітрый Сцепановіч з гімназіі і Уладзіслаў Афунда з СШ№1.
Рабяты, якія на гэты раз не выйшлі ў пераможцы, не павінны засмучацца, бо падобныя спаборніцтвы плануем праводзіць рэгулярна, і ў кожнага ёсць магчымасць і выйсці ў лідары.
Асноўнай інтрыгай выніковых спаборніцтваў, якія пройдуць у канцы навучальнага года, стане выяўленне абсалютнага снайпера сярод пераможцаў.
Анатоль СЦЕПАНОВІЧ,
кіраўнік клуба “Шчыт”.