Пад такой назвай на базе ліцэя №15 прайшоў конкурс снежных фігур. Да яго ўдзелу былі запрошаны прадстаўнікі навучальных і працоўных калектываў горада, наогул, жадаючыя. І такіх, трэба адзначыць, знайшлося нямала.
На здымку: гэта цуда створана рукамі ліцэістаў разам з майстрамі Г.А.Івановай, М.М.Рудаком і Г.М. Вольхінай. Найбольшую ж актыўнасць праявілі гаспадары творчай пляцоўкі — ліцэісты разам са сваімі выкладчыкамі і майстрамі вытворчага навучання. Яны падрыхтавалі «матэрыял» для ўсіх творцаў і самі былі наперадзе. Работа над стварэннем, а дакладней, удасканальваннем снежных фігур доўжылася амаль тыдзень. Перашкаджала надвор’е з яго адлігамі і раптоўнымі снегападамі. І ўдзельнікам конкурсу давялося праявіць сапраўдны творчы азарт і настойлівасць у рэалізацыі сваіх праектаў.
У выніку тэрыторыя ліцэйскага сквера на пэўны час ператварылася ў казачную краіну, населеную забаўнымі снежнымі персанажамі, увасобленымі ў жыццё дзякуючы творчаму палёту думкі і майстравітым рукам іх стваральнікаў. Падзівіцца на гэтае маленькае цуда сюды яшчэ доўга прыходзілі гараджане разам са сваімі дзецьмі. А многія, трэба думаць, узялі ідэю “Снежнай феерыі” сабе на ўзбраенне, балазе, зіма доўжыцца і працягвае радаваць нас снегам.

Пад такой назвай
з 10 па 15 студзеня на базе дзяржаўнага прафесійнага ліцэя № 15 адбудзецца конкурс снежных фігур. Удзельнічаць у іх стварэнні могуць усе жадаючыя: працоўныя калектывы, школы, моладзь, жыхары раёна.
Праявім свае творчыя здольнасці і фантазію, упрыгожым наш горад!
Кантактныя тэлефоны для жадаючых прыняць удзел у конкурсе: 24-8-94; 25-5-25;
(8029)357-21-57.