Клопаты дарожнікаў Кіраўшчыны
На Кіраўшчыне планамерна вядуцца работы па добраўпарадкаванні населеных пунктаў, навядзенні парадку на зямлі.
Гарачая пара па бягучым рамонце і ўтрыманні вулічнай дарожнай сеткі надышла з вясны ў камунальнай і дарожнай службаў. Арганізацыі ў пачатку года вызначыліся з фронтам работ і праводзяць іх у адпаведнасці з планамі.
Як адзначыла галоўны інжынер ДРБУ-197 Алена Варацілкіна, сярод асноўных клопатаў дарожнікаў — правядзенне рамонту дарожнага пакрыцця на вуліцах горада і ў сельскіх населеных пунктах. Заказчыкам выступае УКП “Жылкамгас”.
Так, у маі бягучага года ДРБУ-197 былі праведзены ямачны рамонт і ўладкаванне ямачнага рамонту картамі на шэрагу вуліц горада: Калініна, Заводскай, Фрунзе, Мельнікава, К.Маркса, Першамайскай, Савецкай, Пушкінскай, Арлоўскага. Усяго адрамантавана каля 2500 м2 дарожнага палатна.
Акрамя гэтага дарожная служба займаецца сваёй непасрэднай задачай — прыводзіць у парадак дарогі, якія знаходзяцца на яе балансе. А гэта больш за 460 км.
Сёлета значны аб’ём работ прадстаў філіяла выканалі на аўтадарозе “Кіраўск-Жылічы”. Бягучы рамонт дарогі і прыпыначных пунктаў быў зроблены ў в.Вішанька (на здымках) і Вінаградаўка, у аг.Добасна. Новы прыпыначны пункт усталяваны ў аг.Скрыпліца.
У хуткім часе больш зручным стане чаканне рэйсавага аўтобуса і для жыхароў Стаўпішчаў: тут таксама будзе праведзена ўладкаванне прыпыначнага пункта.
Людміла СЯМЁНАВА.
Фота Максіма МІКЕШЫНА.
