2 чэрвеня 2020 года начальнікам раёна газазабеспячэння філіяла “Баб­руйскае выт­ворчае ўпраўленне” ВРУП “Магілёў­аблгаз” назначаны Міхаіл Васільевіч ІВАНОЎ.
Нарадзіўся М.В.Іваноў у 1962 годзе ў в.Блудзімля Касцюковіцкага раёна. У 1988 годзе закончыў Беларускую сельскагаспадарчую акадэмію, у 2008 – Акадэмію кіравання пры Прэзідэнце Рэспублікі Беларусь. Спецыяльнасці па адукацыі – “механізацыя сельскай гаспадаркі”; “кіраванне персаналам”.
Працоўную дзейнасць М.В.Іваноў пачаў у 1976 годзе ўчотчыкам у саўгасе “Брацкі” Касцюковіцкага раёна, пасля заканчэння Беларускай сельгасакадэміі вярнуўся ў дадзеную гаспадарку галоўным інжынерам. З 1993 па 2004 гады яго працоўная дзейнасць звязана з работай ў сельскагаспадарчай галіне Магілёўскага і Касцюковіцкага раёнаў.
У 2004 годзе М.В.Іваноў узначаліў ААТ “Кіраўск-Лён”. Затым на працягу двух год узначальваў аддзел вытворчасці, рамонту, электрыфікацыі вытворчых працэсаў і энергазберажэння холдынга ў форме ААТ “Аграсельмаш” у г.Магілёве.
Пачынаючы з 2011 года, яго дзейнасць звязана з работай на розных пасадах ва ВРУП “Магілёўаблгаз”: на працягу 4 год з’яўляўся намеснікам генеральнага дырэктара,
з 2015 года па май 2020 – начальнікам сектара сельскагаспадарчай і прамысловай вытворчасці.