Работы па добраўпарадкаванні тэрыторыі Паўлавіцкага сельсавета Кіраўскага раёна працягваюцца…

У сталіцы сёлетніх раённых “Дажынак” шырокім фронтам вядуцца работы па добраўпарадкаванні тэрыторый, сацыяльных аб’ектаў і адміністрацыйных будынкаў, а таксама выдаленні дрэў, рэкультывацыі і ўвядзенні ў севазварот пустуючых земляў і многія іншыя.
Не застаюцца ў баку і гаспадары прыватных домаўладанняў: рамантуюць плот, займаюцца афарбоўкай дамоў, абкашваюць прылягаючыя тэрыторыі.


Выразныя абрысы набывае і возера аг.Барсукі, да вырубкі і ўборкі кустоўя на яго ложы прыклалі рукі работнікі многіх арганізацый раёна. ААТ “ПМК-97 Вадбуд” адрамантавана дамба, а работнікі Круглянскай ПМК-266 праводзяць работы па ачыстцы дна возера.
На вачах прыгажэе адміністрацыйны будынак СВК “Калгас “Ніва” падчас праводзімага касметычнага рамонту: прыгожымі фарбамі зайгралі сцены.
Усе работы праводзяцца дзеля таго, каб дастойна сустрэць удзельнікаў і гасцей раённага фестывалю-кірмашу працаўнікоў вёскі “Дажынкі-2016”.
Людміла Сямёнава. Фота аўтара.


