Кіраўскія гімназісты — пераможцы раённага этапу алімпіяды па фінансавай граматнасці
Фінансавая граматнасць — гэта важна!
Першы этап рэспубліканскай алімпіяды па фінансавай граматнасці сярод вучняў устаноў агульнай сярэдняй адукацыі прайшоў ва ўсіх рэгіёнах Магілёўшчыны. Дарэчы, гэтае мерапрыемства праводзіцца трэці год і карыстаецца папулярнасцю сярод моладзі.
У г.Кіраўску ў першым этапе алімпіяды прынялі ўдзел 24 вучні 10 і 11 класаў.
Перад пачаткам мерапрыемства да яго ўдзельнікаў звярнулася прадстаўнік Нацыянальнага банка Рэспублікі Беларусь Алена Грунінг.
Алімпіяднае заданне складалася з 30 тэставых заданняў. Рабяты выконвалі іх на працягу акадэмічнай гадзіны. Затым да работы прыступіла журы, у састаў якога ўвайшлі супрацоўнікі Галоўнага ўпраўлення Нацыянальнага банка Рэспублікі Беларусь па Магілёўскай вобласці, ААТ “ААБ “Беларусбанк”, ААТ “Белаграпрамбанк” і аддзела адукацыі, спорту і турызму райвыканкама.
Рэзультаты алімпіяды паказалі дастаткова высокі ўзровень ведаў школьнікаў: амаль усе ўдзельнікі набралі больш паловы магчымых балаў.
Трэба адзначыць, увесь п’едэстал гонару па выніках першага этапу занялі адзінаццацікласнікі гімназіі горада. Пераможцам, набраўшы 79 балаў з 86 магчымых, стаў вучань гімназіі Павел Хурсаў, другое і трэцяе месцы адпаведна занялі Аліна Чайка і Аляксандра Кастко. Ім былі ўручаны дыпломы, а таксама каштоўныя падарункі.
Падзякамі Нацыянальнага банка Рэспублікі Беларусь былі адзначаны Дзіяна Сарока з гімназіі (4 месца), Артур Махлаеў з Мышкавіцкай СШ (5 месца).
Усе ўдзельнікі алімпіяды атрымалі памятныя прызы ад Нацыянальнага банка Рэспублікі Беларусь, ААТ “ААБ Беларусбанк” і ААТ “Белаграпрамбанк”.
Рабяты, заняўшыя першыя тры месцы, прадставяць свае раёны на абласным этапе, які адбудзецца 23 лістапада.